| e-texts navigator |
| བོད་ཡིག |
358b1 zhig tu skyes so zhes bya ba'i ngar ro// ji tsam na de bu mo'i don du nyi ma re re zhing rin po che dag skyel bar byed do// de nas bu mos bsams pa/ ngang ba'i rgyal po yang bzung la/ rin po che
358b2 yang blang ngo snyam pa dang / de bros nas phyin chad mi 'ong bar gyur to// ji tsam na lha zhig gis tshigs su bcad de smras pa/ lhab par chags par mi bya ste// chos min chags pa sdig pa can/
358b3 ngang pa'i rgyal po bzung snyam pa// rin chen rnams las yongs su nyams// dge slong dag ji snyam du sems/ de'i tshe rkun po dang bu mo gang yin pa de ni sdom dga' mo 'di nyid yin te/
358b4 na yang lhag par chags pa kho nar gyur to// da ltar yang lhag par chags pa kho nar gyur to// de lta bus na lhag par chags par mi bya ste/ dge slong dag khyed kyis de lta bu la bslab par
358b5 bya'o// lung byed brgyad pa'i dang po rdzogs so// // gleng gzhi ni mnyan yod na'o// de'i tshe sbom dga' mo mngoms kyi phyogs kyi spu'i las byed cing // de khrus byed pa na
358b6 bram ze dang khyim bdag gi chung ma rnams la bstan ste/ til 'bras khra dor byas pa'i ben tse ltar 'dug pa 'di la ltos/ de dag gis 'di skad ces smras so// 'phags ma re zhig kho mo cag ni sdu mdzad
358b7 kyi sems mgu bar bgyid pa'i phyir 'gyid na/ khyod kyi 'di cir 'tshal/ khyod kyi su zhig mgu bar bgyi/ 'di ni rab tu byung ba dang 'tsham pa ma lags so zhes bya ba nas/ don nyung ba'i dge slong ma/
iiif viewer powered by OpenSeadragon
Texts on this page
Ty008-002 - dge slong ma'i 'dul ba rnam par 'byed pa