| e-texts navigator |
| བོད་ཡིག |
325a1 de la son pa'o zhes ma zer cig/ tshangs pa mtshungs par spyod pa mkhas pa bla ma'i gnas la bu gang yang rung ba'i phyi bzhin du yang ma 'gro zhig/ dge tshul
325a2 gzhan dge slong ma rnams dang lhan cig nub gnyis tshun chad gnas gcig ku nyul bar gnang ba gang yin pa de yang deng phyin chad khyed la med kyis/ bud med gti mug can khyed gnyis gzhan du
325a3 dengs shig ces bskal ba'i las mdzad de// 'di ni gsol ba'o// de'i 'og tu de gnyis la bsnyil ba'i gsol ba mdzad zin gyis/ sdig pa can gyi lta ba de thong zhig ces bsgo bar bya'o// /
325a4 gal te gtong ra de lta na legs/ gal te mi gtong na de'i 'og tu las bya'o// bya ba ni 'di lta bu yin teg 'phags ma'i dge 'dun phu nu mo dag bdag la gsan du gsol/ dge tshul
325a5 ma mdzes ma dang rgyal ma 'di gnyis la sdig pa can gyi sba ba'i rnam par song ba 'di lta bu 'di byung ste/ ji ltar bcom ldan 'das kyis 'dod pa bdag ni bar du gcod pa yin no zhes gsungs pa
325a6 gang yin de la so sor bsten kyang bar du gcod par mi 'gyur ba de ltar/ kho mo cag gis bcom ldan 'das kyis chos bstan pa shes so zhes mchi nas/ dge tshul ma mdzes ma dang rgyal
325a7 ma de gnyis la/ dge slong ma rab tu mang pos bzhams nas bsgo ste/ de gnyis la bzhams nas bsgo ba na zhes bya ba nas/ 'di nyid bden gyi gzhan ni gti mug go zhes bya ba'i bar ro// /
iiif viewer powered by OpenSeadragon
Texts on this page
Ty008-002 - dge slong ma'i 'dul ba rnam par 'byed pa