rKTs

e-texts navigator

Volume

Page

271b₁ zer bar byed pa'i skabs de/ bcom ldan 'das la gsol to// de nas bcom ldan 'das kyis dgongs pa/ nyes dmigs gang cung zad ci byung ba de thams cad ni chos bstan pa las gyur gyis/ de lta/
271b₂ bas na chos bstan par mi bya'o// de dag yang bsod snyoms kyi phyir zhugs pa na/ bram ze dang khyim dag rnams kyis smras pa/ 'phags ma dag chos shod cig/ de rnams kyis 'di skad ces smras so//
271b₃ bcom ldan 'das kyis bkag go// bram ze dang khyim bdag de rnams kyis 'di skad ces smras so// bdag cag gi sdum pa'i bsod snyoms kyang bkag lags mod/ de rnams yang bsod snyoms
271b₄ kyis 'phongs par gyur pa nas/ bcom ldan 'das la gsol pa dang / bcom ldan 'das kyis bka' stsal pa/ de lta bas na tshig lnga'i chos bstan par bya'o// bcom ldan 'das kyis tshig lnga'i
271b₅ chos bstan par bka' stsal pa na/ de rnams kyis ma shes nas/ bcom ldan 'das kyis bka' stsal pa/ khyim bdag gzugs ni mi rtag go// tshor ba dang / 'du shes dang / 'du byed rnams dang /
271b₆ rnam par shes pa ni mi rtag go zhes bya ba'o// gang gi tshe de rnams kyis tshig lnga'i chos bstan par brtsams pa dang / de nas bram ze dang khyim bdag de rnams kyis 'di skad ces smras so// 'phags
271b₇ ma dag ci'i slad du khyed kyis chos mang du mi bshad/ khyim bdag bcom ldan 'das kyis de tsam zhig bca' ba mdzad do// 'phags ma dag ci khyed sprig ka'i rin gyi chos shig bstan par rtsom mam/

_{iiif viewer powered by OpenSeadragon}

271a - 272a

Texts on this page