| e-texts navigator |
| བོད་ཡིག |
242b1 spang ba'i ltung byed nyi shu gcig pa rdzogs so// / gleng gzhi ni mnyan yod na'o// de'i tshe sbom dga' mos dge slong ma'i dge 'dun dang lhan cig sor zla tha chungs tshes la//
242b2 sra brkyang bting ma thag tu dge slong ma rnams la 'di skad ces smras so// phu nu mo dag sra brkyang dbyung gis tshur shog/ sra brkyang phyung na grub pa dang bde ba mang po 'byung ngo // de dag gis 'di
242b3 skad ces smras so// bdag cag gis dus ma yin par sra brkyang mi 'byin to// des 'di skad ces smras so// kho mo sde snod gsum pa yin na/ kho mos ci sra brkyang dbyung ba'i dus gang yin pa
242b4 mi shes sam/ des dge slong ma de dag gis tshig ma mnyan par/ dus ma yin par sra rkyang phyung nas rnyed pa gos so// de nas dge slong ma de dag chos gos lnga thogs te ljongs rgyung zhing dong ba dang
242b5 de nas dge slong ma de dag la/ dge slong ma rnams kyis dris pa/ 'phags ma dag khyed kyis sra brkyang bting ba tshang ngam/ de dag gis 'di skad ces smras so// kho mo cag ni mi shes mod kyi
242b6 'phags pa sbom dga' mo na re 'di skad ces/ lo mo sde snod gsum pa yin pas sra brkyang dbyung ba'i dus shes so zhes zer ro// de rnams kyis 'di skad ces sbas so// khyed cag gis sra brkyang
242b7 byung ngam// de dag gis byung ngo zhes smras pa na/ don chung ba'i dge slong ma rnams spong bar byed ba'i skabs de dge slong ma rnams kyis/ dge slong dag la smras pa dang / dge slong dag gis
iiif viewer powered by OpenSeadragon
Texts on this page
Ty008-002 - dge slong ma'i 'dul ba rnam par 'byed pa