rKTs

e-texts navigator

Volume

Page

210b₁ byas la bcang bar bya'o snyam du re ba yod cing ka des de 'jog par byed do// sngon po la ji lta ba de bzhin du/ ser po dang / dmar po dang / stug po dang / srab mo la yang brjod par bya'o// skabs de dge slong ma rnams/
210b₂ kyis/ dge slong dag la smras pa dang / dge slong dag gis/ bcom ldan 'das la gsol to// de nas bcom ldan 'das kyis byung ba 'od dang zhes bya ba nas/ 'aslab pa bca' ba'i bar du mdzad de/
210b₃ dge slong mas chos gos zin pas sra brkyang phyung na/ dus ma yin par gos shig rnyed la/ 'dod na dge slong ma des gos de blangs par bya'o// blangs nas gal te langs na myur ba kho nar byas te bcang bar
210b₄ bya'o// gal te chos gos la re ba yod pa 'am/ kha ma langs pa kha skong bar byed na/ dge slong ma des gos de za ba gcig gi mtha'i bar du bcang bar bya'o// de las 'das par 'jog na spang ba'i ltung
210b₅ byed do// dge slong ma chos gos zin pas zhes bya ba ni snga ma bzhin no// rnyed la zhes bya ba ni gzhan las so// dus ma yin pa'i gos zhes bya ba la gos kyi dus ni gang yin/ dus ma yin pa'i gos
210b₆ ni gang yin zhe na/ sra brkyang bting ba'i gnas na ni/ ston zla 'bring po nya nas bzung ste/ dpyid zla ra ba nya'i bar gyi zla ba lnga po de dag ni gos kyi dus yin no// lhag ma zla ba bdun po dag ni dus ma yin no// gos
210b₇ bdun po gang yang rung ba zhes bya ba la bdun po de dag gang zhe na/ khal gyi dang / ras dang / ras bal gyi dang / mon dar dang / du gu la'i ras dang / ko tam pa'i ras dang / nyi 'og gi gos so// 'dod na zhes bya

_{iiif viewer powered by OpenSeadragon}

210a - 211a

Texts on this page