| e-texts navigator |
| བོད་ཡིག |
175b1 de dag 'dre bas gnas pa na/ rgod pa dang / rtse ba dang / lus kyi rtsa ba hral byed do// de gnyis shin tu 'dre bas gnas par byed pa na gdogs pa'i gnas su gyur te/ dge slong ma rnams dogs pa skyes nas
175b2 dge slong ma rnams kyis de gnyis la/ phu nu mo khyed gnyis ha cang 'dre bas gnas par ma byed cig ces bsgo ba na/ de gnyis de kho na bzhin du 'je bas gnas par byed pa'i skabs de dge slong ma rnams
175b3 kyis/ dge slong dag la smras so// dge slong dag gis kyang / bcom ldan 'das la gsol to// bcom ldan 'das kyis bka' stsal pa/ dge slong ma khyed 'dre bas gnas par ma byed cig/ de ci'i phyir
175b4 zhe na/ khyed 'dre bas gnas par byed na/ dge ba'i chos rnams mi 'phel zhing 'grib pa nyid du 'gyur bar rig par bya'o// dge slong ma khyed mi 'dri bas gnas par gyis shig/ de ci'i phyir zhe na/ khyed
175b5 rnams mi 'dre bas gnas par byed na/ dge ba'i chos rnams mi 'grib cing 'phel ba nyid du 'gyur bar rig par bya'o zhes bka' stsal pa na/ dge slong ma rnams kyis de gnyis la 'dre bar ma byed cig ces/
175b6 bsgon yang / de kho na bzhin du 'dre zhing gnas par gyur pa'i skabs de dge slong ma rnams kyis// dge slong dag la smras so// dge slong dag gis kyang / bcom ldan 'das la gsol to// bcom ldan 'das kyis
175b7 bka' stsal pa/ dge slong ma khyed cag gis dge slong ma 'chi ltas dang nye ba'i 'chi ltas dang / gzhan yang de lta bu dang mthun pa su yang rung ba dag la bzhams te bsgo bar bya'o// bsgo ba yang 'di ltar bya ste/
iiif viewer powered by OpenSeadragon
Texts on this page
Ty008-002 - dge slong ma'i 'dul ba rnam par 'byed pa