| e-texts navigator |
| བོད་ཡིག |
174b1 la gzhan la ni sme bar mi byed pas/ 'di na dge slong ma kha cig 'dun pas 'gro ba'o// zhe sdang gis 'gro ba'o// gti mug gis 'gro ba'o// 'jigs pas 'gro ba'o zhes ma zer cig/ dge slong ma 'di dag ni 'dun pas
174b2 'gro ba ma yin te zhe sdang gyes 'gro ba ma yin// gti mug gis 'gro ba ma yin// 'jigs pas 'gro ba ma yin pas/ khyod kyis de skad ces 'dun pas 'gro ba'o// zhe sdang gis 'gro ba'o// gti mug gis 'gro 'o//
174b3 'jigs pas 'gro ba'o zhes bya ba'i tshig gi lam de lta bu zong zhig ces brjod par bya'o// dge slong ma de la dge slong ma rnams kyis 'di skad ces brjod pa na/ gal te gzhi de gtong ba de lta na legs/ ji ste gtong ba
174b4 mi byed na/ gzhi de gtong bar bya ba'i phyir lan gnyis lan sum gyi bar du yang dag par bsgo bar bya/ yang dag par bstan par bya'o// lan gnyis lan gsum gyi bar du yang dag par bsgo/ yang dag par bstan
174b5 pa na/ gal te gzhi de gtong ba de lta na legs ji ste gtong bar mi byed na/ chos 'di yang lan gsum gyis ltung bar 'gyur la/ nges par 'byung ba dang bcas pa ste/ dge 'dun lhag mar 'gyur ro//
174b6 dge slong ma gang zhes bya ba ni/ sdom dga' mo'o// 'tha' mo byed cing gnas la zhes bya ba ni/ phyogs gnyis su gyur pa la'o// dge slong ma rnams kyis zhes bya ba ni// chos 'di pa rnams
174b7 kyis so// phu nu mo khyod 'thab mo ma byed cig ces bya ba ni/ phyogs gnyis su ma byed cig ces so// khros nas zhes bya ba ni/ yid mi bde nas so// 'di skad ces gang gi phyir 'thab mo byed pa kha cig
iiif viewer powered by OpenSeadragon
Texts on this page
Ty008-002 - dge slong ma'i 'dul ba rnam par 'byed pa