rKTs

e-texts navigator

Volume

Page

101b₁ su 'dzin pa med pa che nges pa/ khyad par can du 'gro zhing / de nas shi 'phos nas kyang khyad par can du 'gro bar 'gyur ba'o// 'on te byang gi sgra mi snyan du mi 'gro ba de'i tshe ni/ sum cu rtsa gsum pa'i/
101b₂ lha rnams kyi nang du kha zas bsod snyoms byed do// des dris pa/ sum cu rtsa gsum gyi lha rnams ci 'dra ba des smras pa/ kha drog dang ldan pa/ bde ba mang ba/ gzhal med khang mthon po can/ tshe ring
101b₃ ba/ yun ring du gnas pa// dus ring por gnas pa yin no// des 'di snyam du 'di ni bdag nyid chen po zhig yin pas/ ma la de ring gi bsod snyoms bdag gis dbul lo snyam du bsams nas/
101b₄ des rang sangs rgyas de la smras pa/ 'phags pa deng bdag gis bsod snyoms 'bul gyis rjes su gzung du gsol// des smras pa/ khyod kyang khyim gyi gnas nas nges par byung ba yin na
101b₅ khyod kyis ji ltar nga la bsod snyoms sbyin par sems/ des spras pa/ de lta lags mod kyi/ 'on kyang nges par bdag la phan gdags par mdzad du gsol/ khyod ni dpal dang bsod nams
101b₆ yin// khyod ni chos 'chang rnams kyi mchog/ khyod kyi brtson pas 'jig rten 'di// kun nas brgyan pa bzhin du gyur// des kyang khas blangs so// de nas drang srong gis des cang mi smra bas khas
101b₇ blangs par rig nas/ rang gi ngasti gnas su song ngo // de na yang des snga na khre rgod bre'u chung gang zhig rngus te bzhag pa de/ des bkrabs nas bsti gnas de dang ha cang mi ring ba na phyugs lhas zhig

_{iiif viewer powered by OpenSeadragon}

101a - 102a

Texts on this page