| e-texts navigator |
| བོད་ཡིག |
386b1 mi 'gyur/ chu'i kham la mi 'gyur/ me'i khams la mi 'gyur/ rlung gi khams la mi 'gyur gyi/ 'di ltar las dge ba dang mi dge ba byas shing bsags pa dag ni zin pa'i phung po dang / khams dang / skye ma che/
386b2 dag la rnam par smin par 'gyur te/ las rnams bskal pa brgyur yang ni// chud mi za ba'ang tshogs dang dus// rnyed na lus can rnams la ni// 'bras bu dag tu 'gyur ba nyid// dge slong dag sngon byung
386b3 ba 'das pa'i dus na/ bskal pa bzang po 'di nyid la skye dgu'i tshe lo nyi khri thub pa na/ ston pa de bzhin gshegs pa dgra bcom pa yang dag par rdzogs pa'i sangs rgyas rig pa dang zhabs su ldan pa/
386b4 bde bar gshegs pa/ 'jig rten mkhyen pa/ skyes bu 'dul ba'i kha lo bsgyur ba/ bla na med pa/ lha dang mi rnams kyi ston pa sangs rgyas bcom ldan 'das 'od srungs 'jig rten du byung ste/ de dge
386b5 slong gi 'khor nyi khri dang wA rA NA si na nye bar brten cing bzhugs so// de'i gsung rab la lam pa 'di dge slong sde snod gsum par gyur te/ des chos kyi ser snas 'ga' la yang tshig bzhi pa'i tshigs su
386b6 bcad pa yang ma bstan to// yang ri brags shig na phag 'tshong zhig 'dug ste/ chu klung gi pha rol dang tshu rol gyi ri brags der dus ston byung nas/ phag 'tshong des bsams pa/ gal te/
386b7 phag dag gsad du ni de skad nyo bar mi 'gyur bas/ gson po nyid du bkur bar bya zhing der 'phral la gsad cing btsong bar bya'o snyam nas/ des phag mang po dag gcig la gcig sbrel te grur bcug nas
iiif viewer powered by OpenSeadragon
Texts on this page
Ty005-002 - 'dul ba rnam par 'byed pa