rKTs

e-texts navigator

Volume

Page

410b₁ bka' stsal to// mo'u 'gal gyi bu khyod kyis ches sngar lhas byin gyi sems la sems kyis khyab par byas te rig nas/ de'i 'og tu tshangs pa nog can gyis ma brjod dam/ btsun pa de lags te bdag gis
410b₂ ches sngar lhas byin gyi sems la sems kyis khyab par bgyis te rig nas/ de'i 'og tu tshangs pa nog can gyis brjod lags so// bcom ldan 'das tshe dang ldan pa mo'u 'gal gyi bu chen po dang thabs cig par du
410b₃ mchid 'di gsung ba'i skabs su/ lhas byin grogs dge slong bzhi po ko ka li ka dang / kha nad dra ba bya dang / ka ta mo ra ka ti sh+ya dang / rgya mtshos byin dang lhan cig bcom ldan 'das ga la ba der song ngo // bcom ldan 'das
410b₄ kyis lhas byin thag ring po kho na nas gzigs so// gzigs nas kyang tshe dang ldan pa mo'u 'gal gyi bu chen po la bka' stsal pa/ mo'u 'gal gyi bu lhas byin de 'ong zhing da mi gti mug can de nga'i mdun du bdag nyid kyis
410b₅ bdag nyid lung ston par byed kyis/ da cig srungs shig/ de nas tshe dang ldan pa mo'u 'gal gyi bu chen pos bcom ldan 'das kyi 'bas gnyis la mgo bos phyag 'tshal te/ ji ltar sems mnyam par ba gnas 'di lta ste/
410b₆ dper na skyes bu stobs dang ldan pas lag ngar bskums pa las brkyang ba 'am/ rkyang ba las skum par byed pa de bzhin du/ tshe dang ldan pa mo'u 'gal gyi bu chen po rgyal po'i khab kyi 'od ma'i tshal ka lam ta ka'i gnas nas maM
410b₇ snang bar gyur cing / ngan spong gi bu dag chu srin byis pa gsod kyi ri la 'jigs rung gi tshal ri dgas kyi nags su gnas par gyur pa de lta bu'i ting nge 'dzin la snyoms par zhugs so// de nas lhas byin bcom ldan 'das ga la ba der

_{iiif viewer powered by OpenSeadragon}

410a - 411a

Texts on this page