| e-texts navigator |
| བོད་ཡིག |
445b1 pa rtag tu bya/ / mar gad dang ni 'dra ba dang // de bzhin dkar po'i rtswa rnams kyis// sdig pa'i las rnams rtag tu bya// rgyal ba mchog gis bkag pa yin// 'dir ni dri med chu la yang // dag pa srin
445b2 bu spangs pa las/ / rtag tu de nas mngon par bkru// kun nas bskor ba bya ba yang // rang snang phyi rol brtson pa 'am// cho ga ji bzhin nye reg bya// gtsang mas rtswa yi rtsa ba yi// sgron ma'i tshad las bya ba'o// /
445b3 de nas khu tshur tshad byas nas// 'bad pas me ni sbar bar bya// kha yi rlung gis bu mi bya// de bzhin gos kyi mtha'i yis dang // gos kyi chun po'am sham thabs dang // sgrib g.yogs dag ni spangs pa yis//
445b4 nam mkha'i nor dang tha dad rlung // nye bar bcom dang mngon dga' ba'am// gtsang ma nyams pa bral bas dang // de bzhin gos dang nor bus kyang // rlung g.yab bya'o rlung bzang pos// me ni yang dag brtsam
445b5 par bya/ / de las gyur pa'i rlung 'di yos// sngags shes me ni sbar bar bya// shin tu mnyam bzhag sbyin sreg don// bud med mchog gzhan brtag pa dag/ byas nas yang ni mtha' ru ni// ba yi mar gyi sreg
445b6 blugs gsum/ / der ni sbyin bya de las ni// gang yang tshad du bya ba'o// sangs rgyas skyob pa thams cad dang // rang rang sngags kyi mgon po la// de nas ji bzhin 'dod phyag bya// de tshe me la sbyin sreg bya//
445b7 gsang sngags lan bdun bzlas pa yis// rtag tu me ni spyan drang ngo // bdag nyid rtsom pas dri zhim po'i// me tog kho nas rtag tu bod// sngags shes gnas la mkhas pa yis// gdan ni gnas la phul
iiif viewer powered by OpenSeadragon
Texts on this page
S683 - ral pa gyen brdzes kyi rtog pa chen po