rKTs

e-texts navigator

Volume

Page

383b₁ 'chang ba pad+ma'i 'phreng bas rnam par brgyan pa'i lus/ / rig pa 'dzin pa thams cad kyi mthar thug par yang rab tu smon par 'gro'o// 'khor dang bcas pa lo stong phrag lngar 'tsho bar byed do// rlung lha
383b₂ 'gro zhing yid ltar mgyogs par 'gro ba'i rig pa 'dzin par 'gyur ro/ / pad+ma dang ut+pa la stong phrag brgya'i sbyin sreg gis gser stong rnyed do// pa la sha'i las ni 'di kho na'o// yang 'dir
383b₃ las chen po'i sgrub thabs su 'gyur ba ni rgyal ba'i zhabs drung ngam/ ras ris kyi spyan sngar ram// rtog pa gzhan las gsungs pa'i cho gas kyang rung ste// rig pa 'di rnams kyi ming gsum brjod
383b₄ pa'i ras ris kyi go ga de'am/ ring bsrel dang bcas pa'i mchod rten gyi drung du phyogs gtsang mar 'o ma dang nas zan za bas dkar po'i tshes gcig nas brtsams te me tog dang / 'bras bu dang / tsa ru
383b₅ dang rtsa ba dang / / zho'i bza' ba 'am/ chu dang / phye dang / zan dang / dri'i bza' ba 'am/ wa kra'i bza' ba 'am/ mar gyi bza' bas kyang rung ste/ yang na mi smra ba'i brtul zhugs spyad par bya'o//
383b₆ thog mar sngon du bsnyen pa bya'o// yan lag brgyad pa'i gso sbyong dang yang dag par ldan pas nyi ma so sor mngon par brjod bzhin pa'i mchod pa bya'o// gsung rab ji lta ba bzhin du slong mo'i zas ba#
383b₇ bar bya'o/ / byang chub kyi sems yongs su gzung zhing sdug bsngal gyis gdungs pas bza' bar bya'o// sgrub pa pos dus gsum du khrus byas pa'i 'og tu shis pa'i ku sha'i khres la 'dug

_{iiif viewer powered by OpenSeadragon}

383a - 384a

Texts on this page