| e-texts navigator |
| བོད་ཡིག |
37b1 sngags/ / nyi shu rtsa gcig gdon par bya'o// gsang ba'i bdag po rgyud 'di la smod pa'i sems can de ni sangs rgyas dang byang chub sems dpa' thams cad la smod pa yin no// gsang ba'i bdag po
37b2 rgyud 'di nyan pa dang / sems pa dang / mchod pa dang / 'chang ba dang / tha na 'di la mos pa'i sems can de dag la rgyal chen bzhi'i lha dang / sum cu rtsa gsum gyi lha dang / tshangs pa'i bu dang / tshangs chen
37b3 rnams kyis srung ba dang / sgrub pa dang / sba ba dang / kun tu rjes su 'brang bar byed/ de bas ches lhag pa'i sangs rgyas dang byang chub sems dpa' thams cad bu la mas srung ba bzhin du srung bar 'gyur
37b4 ro/ bdud kyis bar du gcad par mi nus so// gang shi 'phos nas nub phyogs bde ba can pad+mo las skye bar 'gyur ro// mngal gyi sdug bsngal las thar par 'gyur ro// tshe 'di ma dang chu'i 'jigs
37b5 pa las thar par 'gyur ro/ / 'dir ni mdo tsam smos su zad kyi/ de ma yin pa gang 'dod pa thams cad bsam pa yid bzhin du 'grub par 'gyur ro// gang rgyud 'di la gnod pa dang / 'tshe ba dang / tshul
37b6 bzhin ma yin pa yid la byed na/ de la lha'i bu dang / klu'i bu khyed rnams kyis srung bar gyis shig ces bka' stsal to// de nas gsang ba'i bdag po dang / tshangs ris kyi lha'i bu de dag rab tu dga'
37b7 nas tshul bzhin du khas blang bar byas so/ / de nas gzhan srung ba'i phyir bdag sa dkar po la lan du mar bsngags na bar chad thams cad zhi bar 'gyur ro// seng ge sgra'i rgyud ces bya ba
iiif viewer powered by OpenSeadragon
Texts on this page
S655 - seng ge sgra'i rgyud ces bya ba