rKTs

e-texts navigator

Volume

Page

316b₁ 'phreng ba 'chang ba'o/ / de nas dkar po'i brgyad nas brtsams nas ring bsrel dang ba'i mchod rten dang / ras ris la pad+ma dkar po'i sbyin sreg bya zhing 'bum phrag bcu gnyis bzlas par bya'o// cho ga gzhan ni
316b₂ rig pa 'dzin pas sgrub pa byed par 'dod pas/ / log 'dren rnam par 'joms pa'i cho ga'i rgyal po ni yungs kar la tsha ba'i til mar gyis btags pa'i sbyin sreg stong phrag brgyad bya ste/ dpag tshad stong du
316b₃ 'bros par byed do/ / de nas rig pa bsgrub par bya'o// rnam pa gzhan du 'joms par byed do// pha rol gyi rig pa bcing bar 'dod na ming nas smos te ras kyi kha tshar la brgyad brgyar mngon par bsngags nas mdud
316b₄ pab bcing bar bya'o/ / gal te sangs rgyas bcom ldan 'das rang byung du byon yang / des kyang ji srid rig pa 'dzin pas bkrol gyi bar du dgrol bar mi nus so// zhi bar 'dod pa sna ma'i me tog stong phrag
316b₅ brgyad dbul bar bya ste/ zhi bar 'gyur ro// slong mo za bas bye ba yongs su bzlas par bya ste/ mngon sum du bcom ldan 'das 'od dpag me pad+ma'i gdan la bzhugs pa mthong bar 'gyur ro// rig pa
316b₆ 'dis stong phrag bcur bzlas pas gzhan nad kyis btab pa rab tu 'joms par byed do/ / slong mo za zhing bye ba yongs su bzlas na bcom ldan 'das mthong ste mchog gsum stsol bar mdzad do// sems can
316b₇ thams cad dbang du byed pa dang / mi snang ba dang / lha ma yin gyi khyim du 'jug pa'o// ri'i rtse mor 'dzegs nas bye ba yongs su bzlas na lha thams cad dbang du gyur zhing rtag tu yang mthong bstsol bar byed/

_{iiif viewer powered by OpenSeadragon}

316a - 317a

Texts on this page