| e-texts navigator |
| བོད་ཡིག |
302b1 bya'o/ / slar yang sgrub pa pos ji srid khru gang gi tshad kyi lcer song gi bar du rig pa bzlas par bya'o// 'brug gi sgra grag kyang skrag par mi bya'o// de nas rig pa 'dzin pas rings thabs su bzlas pa bya zhing kar
302b2 wI ra dkar po'i me tog gis ro langs kyi dpral ba'i phyogs su gzhu bar bya ste gnon par 'gyur ro/ / de'i lce'i rtse mo rin po che kun tu mthong ste 'bar ba'i 'phreng ba dang ldan pa mdzes bzhin pa rig pa
302b3 bzlas la blang bar bya'o/ / blangs pa tsam gyis sgra li zhing 'khyil ba dang / lo brgyad gnyis lon pa'i rnam pa rig pa 'dzin pa'i 'khor los sgyur bar 'gyur te/ gang zhig bsam pa de thams cad du skyes pa ni
302b4 ma gtogs so/ / zag pa zad pa nyid dang bskal par gnas shing rin po ches kyang mgo la brgyan par dpag tshad brgya stong phrag brgyad cur kun tu snang bar byed do// rig pa 'dzin pa thams cad kyang kun
302b5 tu dbang bar 'gyur ro/ / gang gi tshe 'di 'pho ba'i dus la bab pa de'i tshe bcom ldan 'das ma yang dag par byon nas skul bar byed do// bu rin po che'i mthu de rnams zad nas slar yang bsgrub par bya'o zhes brjod
302b6 nas mi snang bar 'gyur ro/ / phyis rig pa'i rgyal mo 'di dran par 'gyur ro// ngan 'gro log par ltung ba rnams su 'gro ba dang skye bar mi 'gyur ro// thams cad kyi tshe yang 'di sangs rgyas rjes su dran pa sbyin
302b7 par 'gyur ro/ / dbang ldan gyis rab tu bshad pa'i bcom ldan 'das ma'i rig pa'i rgyal mo'i le'u rdzogs so// / 'jig rten skyong ba bzhis bcom ldan 'das ma'i cho ga gsungs//
iiif viewer powered by OpenSeadragon
Texts on this page
S683 - ral pa gyen brdzes kyi rtog pa chen po