rKTs

e-texts navigator

Volume

Page

297b₁ myong bar 'gyur ro/ / sgrub pa gzhan yang sngar bzhin du rig pa 'dzin pas dur khrod du bcom ldan 'das ma'i snying po mnyam par 'gro ma bzlas par bya'o// de nas slong mo'i zas bzhing shi ba'i ras blangs nas rdzas
297b₂ 'di rnams kyis bkru bar bya ste/ tsan dan dang / rgya spos dang / pu shel ci dang / bA la ka dang / rA dza ha ste/ rdzas 'di rnams gcig tu byas nas bkru bar bya'o// mi blo gros dang ldan pas bkrus pa de la nyi ma
297b₃ bdun du bdug spos dbul bar bya'o/ / de nas rig pa 'dzin pas bco lnga la dur khrod du song nas ba lang gi pags pa tsam gyi thang la nye bar byugs nas dri dang me tog la sogs pas mchod de/ 'byung po thams
297b₄ cad pa'i gtor ma byas nas/ de nas sgrub pa pos thod pa la nye bar 'dug ste ras des kun nas g.yogs pas bsrung ba byas pas ji srid dro ba'am/ du ba 'thul ba dang / 'bar bar gyur gyi bar du rig pa bzlas
297b₅ par bya'o/ / dro bar gyur pas ni dbang du byed do// ngu ba 'thul bas ni mi snang bar 'gyur ro// 'bar bas ni skra li zhing 'khyil ba lus dkar po rig pa 'dzin pa drug bcu'i mnga' bdag tu 'gyur ro//
297b₆ ji ltar yang ras de kun tu g.yogs pa tsam gyis kyang bdag nyid du byed do// de tshe rig pa 'dzin pa rnams la'ang cha shas sbyin par 'gyur ro// gang gi tshe 'chi ba de'i tshe bde ba can du skye bar 'gyur ro// de nas
297b₇ bgrang 'phreng sgrub par 'dod na sngon bzhin du rgya mtshor 'bum phrag lnga bzlas par bya'o/ / de nas ku sha las byung ba'i 'grang 'phreng byas la mdzud pa nyi shu rtsa lnga rtsa'o// de nas du mthong du song nas kyi

_{iiif viewer powered by OpenSeadragon}

297a - 298a

Texts on this page