rKTs

e-texts navigator

Volume

Page

295a₁ byas nas mar gyi mar me thar ye/ de nas sgrub pa pos bsrungs pa'i cho ga byas pas ku sha'i khres la nye bar 'dug ste// rtse mo ma bcad pa'i ku shas sor brgyad pa'i tshad kyi rtse
295a₂ gsum pa'i rdo rje byed du gzhug go/ / rdo rje de lag pa g.yas pas mnan nas ji srid bcom ldan 'das ma la sa 'od zer byung ba de srid du bzlas par bya'o// rdo rje tsa Ta tsa Ti'i sgra thos te 'jigs par
295a₃ mi bya bar slar yang yud tsam rig pa bzlas par bya'o/ / ji srid rnga bo che'i sgra thos pa na slar yang yud tsam du rig pa bzlas par bya'o// rig pa 'dzin pas ringa? tha bra su mar dang sbrang rtsis btags pa'i byang chub shing
295a₄ gi yam shing gis sbyin sreg brgyad brgya bya'o/ / sbyin sreg yongs su rdzogs nas kyang ji srid rdo rje la 'od zer 'byung gi bar de srid du bzlas par bya'o// des dus gsum du khrus byas pas sgra li zhing 'khyil pa/
295a₅ lo brgyad gnyis lon pa'i rnam pa/ phyag na rdo rje gnyis pa lta bu sngo bsangs dang ba'i lus su gyur nas bskal par gnas so// gang gi tshe 'chi ba de'i tshe rdo rje'i rigs su skye bar 'gyur ro// de nas lcag
295a₆ kyu sgrub par 'dod na sngon bzhin du sgrub pa pos sngon spyad pa bya'o/ / 'o ma dang nas zan za zhing mi smra bas ba lang gi gnas su ku sha bting ba'i mal stan la gtsang zhing gos gtsang ma bgos te/ dus
295a₇ gsum du khrus byas la snying po mnyam par 'gro ma bzlas par bya'o/ / de nas rgya mtshor 'gro ba'i chu klung du song nas slong mo za zhing rked pa tsam gyi chur zhugs nas 'bum bzlas par bya'o// dge 'dun

_{iiif viewer powered by OpenSeadragon}

294b - 295b

Texts on this page