| e-texts navigator |
| བོད་ཡིག |
292a1 sku las 'od zer sna tshogs pa 'byung ste/ sgrub pa po la byugs nas pad+ma'i ze 'brur nub par 'gyur ro// de nas yang pad+ma la nye bar 'dug pa rig pa 'dzin pa bye ba phrag brgyad
292a2 cu rtsa bzhi 'byung bar 'gyur ro/ / de'ang pad+ma'i bkod pa rin po che sna bdun gyis brgyan pa 'byung ste/ dpag tshad stong phrag brgyad cu rtsa bzhir kun nas khyab pa'o// der de la de bzhin gshegs pa thams
292a3 cad dang / byang chub sems dpa' thams cad kyis phyag bya ba'i 'os su gyur pa/ lha rnams kyis kyang bstod par bya bzhin pa/ rig pa 'dzin pa'i rgyal po rnams kyis kyang mchod par bya bzhin pa/
292a4 rig pa 'dzin pa bye ba phrag brgyas yongs su bskor nas 'gro ste/ bde ba can gyi 'jig rten gyi khams su skad cig thang cig yud tsam zhig la sangs rgyas kyi zhing bdun 'da' bar byed do// rang gi 'dod
292a5 pas skye ba 'dzin par byed cing / rang gi 'dod pas 'chi bar byed do// yang dag par rdzogs pa'i sangs rgyas 'od srungs la rnam par gnon pa zhes bya ba'i rig pa 'dzin pa'i rgyal po yod de/ des las
292a6 'di bsgrubs pa'o/ / bcom ldan 'das ma rig pa'i rgyal mo chen por le'u dang po rdzogs so// // de nas byang chub sems dpa' sems dpa' chen po phyag na rdo rjes/ spyan ras
292a7 gzigs dbang phyug la dga' bas cho ga smras pa/ ri mo mkhan gso sbyong la gnas pas bcom ldan 'das kyi gzugs brnyan 'drir gzhug par bya ste/ gser ltar ser ba/ chos ston par mdzad
iiif viewer powered by OpenSeadragon
Texts on this page
S683 - ral pa gyen brdzes kyi rtog pa chen po