| e-texts navigator |
| བོད་ཡིག |
283b1 gnyis la mgo bos phyag 'tshal nas mtha' gcig tu 'dug go/ / de nas yang byang chub sems dpa' sems dpa' chen po phyag na rdo rjes bla gos phrag pa gcig tu gzar nas/ bcom ldan
283b2 'das gang na ba der thal mo sbyar nas phyag 'tshal te/ bcom ldan 'das la 'di skad ces gsol to// bcom ldan 'das rig pa 'ong ba 'am 'gro bar ga la 'gyur/ de skad ces gsol pa dang /
283b3 bcom ldan 'das kyis byang chub sems dpa' sems dpa' chen po phyag na rdo rje la 'di skad ces bka' stsal to// phyag na rdo rje gang khyod sems can rnams kyi don du 'di lta bu yongs su zhus pa legs
283b4 so legs so/ / des na rigs kyi bu nyon cig dang bshad par bya'o// shar phyogs su sangs rgyas kyi zhing stong phrag brgyad cu rtsa bzhi phyin pa'i sangs rgyas kyi zhing na/ de bzhin gshegs pa dgra bcom pa
283b5 yang dag par rdzogs pa'i sangs rgyas bcom ldan 'das mi 'khrugs pa zhes bya ba rang gi sangs rgyas kyi zhing du rig pa'i rgyal mo 'di nyid rab tu ston par gyur to/ / lho phyogs su de bzhin gshegs dgra bcom
283b6 pa yang dag par rdzogs pa'i sangs rgyas bcom ldan 'das gser kun tu snang ba zhes bya ba de'ang sgrol ma'i rig pa 'di nyid gsung bar gyur to/ / nub phyogs su de bzhin gshegs pa dgra bcom pa yang dag par
283b7 rdzogs pa'i sangs rgyas bcom ldan 'das tshe dpag med ces bya ba des kyang rang gi sangs rgyas kyi zhing du rig pa 'di gsung bar gyur to/ / byang phyogs su de bzhin gshegs pa dgra bcom pa yang dag par rdzogs pa'i
iiif viewer powered by OpenSeadragon
Texts on this page
S683 - ral pa gyen brdzes kyi rtog pa chen po