rKTs

e-texts navigator

Volume

Page

26b₁ pa dang / zhags pas rked pa nas bcings la 'gugs bzhin pa 'dod pas myos par gyur pas rab tu gsal por bsam par bya'o// bdag nyid nor dang bcas pa 'gugs shing dbang du 'gyur ro zhes
26b₂ bya'o/ / oM pu ri Ni ma hA tsakra brti ni hUM/ 'di'i sbyor ba ni dri chen dang rdo rje chu la sogs pas dkyil 'khor byas la/ ji ltar rnyed pa'i me tog gis mnyam par mchod la// de na gnas pa'i sgrub pa pos
26b₃ gling ngam/ / gling gzhan dang / grong khyer dang / grong dang / yul 'khor gyi rgyal por bsam zhing bzlas par bya'o// des bdag po nyid du 'gyur zhing longs spyod pa la longs spyad nas bde ba can gyi 'jig
26b₄ / rten gyi khams su skye ba thob par 'gyur ro// oM b+h+r-i ku TI tA re tu ta ma ta hUM/ lha mo khro gnyer can zhes bya ba 'di ni/ dgra'i rkang rjes kyi rdul blangs la/ dug dang / tshwa dang / ske tshe dang / khrag dang / chu bo'i
26b₅ 'gram gnyis kyi sa dang dri chen rdo rje chus bsnos la gzugs brnyan byas la/ mi'i rus pa'i rang bzhin gyi phur bus tshigs dang gnad kun la btab la/ thod pa kha sbyar gyi nang du bzhag ste dur khrod kyi
26b₆ me la gdung bar bya'o/ / zhag bdun du sbyor ba byas pas 'chi bar 'gyur ro// gal te sems la sdig pa med par gyur na zhag nyi shu rtsa gcig gis ni sangs rgyas kyang 'chi bar 'gyur ro// oM ma hA shri ye ma Ni
26b₇ pad+me hUM/ / lha mo 'di la dri dang / me tog dang / mar me dang / bsod snyoms kyi zas kyis so sor mchod la bzlas pa byas na thams cad du bsrungs par 'gyur ro// yul chos kyi rtsod pa las rgyal

_{iiif viewer powered by OpenSeadragon}

26a - 27a

Texts on this page