| e-texts navigator |
| བོད་ཡིག |
246a1 bar skabs 'dir bcom ldan 'das shAkya thub pa'i smin mtshams kyi mdzod spu nas sangs rgyas thams cad yang dag par skul bar byed pa zhes bya ba'i 'od zer byung bar gyur to// gang
246a2 'dir phyogs bcu steng 'og thams cad dang ldan pa'i sangs rgyas kyi zhing rnams kun tu snang zhing / sems can thams cad kyi yid kyang tshim par byas nas/ slar yang bcom ldan 'das shAkya thub pa'i gtsug tor bya
246a3 nub par gyur to/ / bcom ldan 'das kyi gtsug tor nas kun nas 'bar ba'i 'phro ba'i lus can blta bar mi nus pa/ sems can kun gang gis kyang mi thub pa/ 'od chen po yang dag par byung ba/ 'od kyi
246a4 dkyil 'khor gyis lus brgyan pa/ rnam pa sna tshogs pa'i gzugs can/ 'khor los sgyur ba chen po'i gzugs dang ldan pa/ rig pa'i rgyal po yi ge gcig pa zhes bya ba byung bar gyur to// byung nas
246a5 nam mkha'i dkyil kun tu snang bar byas te/ rig pa'i rgyal po thams cad kyis yongs su bskor ba/ rig pa 'dzin pa bye ba khrag khrig brgya stong phrag du mas mdun du bdar nas mchod bzhin pa/ 'jig rten
246a6 thams cad kyi bla ma/ rig pa'i 'khor los sgyur ba'i rgyal pos mngon par bsngags bzhin pa/ sangs rgyas thams cad la mnga' sgyur bzhin pa/ sangs rgyas dang byang chub sems dpa' sa bcu la bzhugs
246a7 pa rnams kyi rim gro byed bzhin pa'i blo gros chen po/ nam mkha'i dkyil thams cad kyi lha'i rin po ches nye bar mdzes pa dang / nor bu rin po che'i don du byas pas thams cad bkang ste/ mdzes pa'i
iiif viewer powered by OpenSeadragon
Texts on this page
S683 - ral pa gyen brdzes kyi rtog pa chen po