| e-texts navigator |
| བོད་ཡིག |
206a1 ldan 'das la 'di skad ces gsol to/ / bcom ldan 'das bdag cag gis 'byor pa bsten par mdzad cing sngags kyi spyod pa'i yon tan sgrub pa'i mthu gsal bar mdzad pa legs par
206a2 gsungs pa ni legs so/ / bcom ldan 'das gang da lta de'i dus la bab par dgongs nas bdag cag la thugs brtse ba'i slad du bka' stsal du gsol/ de nas bcom ldan 'das shAkya thub pas thams cad dang
206a3 ldan pa'i 'khor gyi dkyil 'khor la gzigs nas 'dzum pa mdzad do/ / de nas bcom ldan 'das shAkya thub pa'i zhal gyi sgo nas 'od zer sngon po dang / ser po dang / dkar po dang / btsod ka dang / shel gyi kha
206a4 dog la sogs pa byung bar gyur to/ / 'od zer de byung ma thag tu thams cad dang ldan pa'i 'khor gyi dkyil 'khor snang bar byas nas/ stong gsum gyi stong chen po'i 'jig rten gyi khams kyi dud kyi gnas thams cad
206a5 spa bkong bar mdzad nas/ rgyu skar gyi 'od dang / ri'i lha'i tshogs kyi 'od dang / gang du zla ba dang nyi ma 'di ltar mthu che zhing rdzu 'phrul che ba de dag gi 'od kyang spa bkong bar mdzad nas/ de rnams mi gsal zhing
206a6 'od med par gyur te rnam par snang bar mi 'gyur zhing spa bkod par mdzad de/ nor bu dang / sngags dang / sman dang / rin po che'i 'od thams cad 'od med par byas nas/ slar yang bcom ldan 'das shAkya
206a7 thub pa'i zhal gyi sgor nub par gyur to/ / de nas yang byang chub sems dpa' sems dpa' chen po phyag na rdo rje 'khor gyi dkyil 'khor de nyid na 'dus shing 'khod par gyur pa de stan las langs nas/ rings pa'i
iiif viewer powered by OpenSeadragon
Texts on this page
S683 - ral pa gyen brdzes kyi rtog pa chen po