rKTs

e-texts navigator

Volume

Page

199a₁ mtha'i grwa'i phyogs gcig tu sgrub pa po cha byad dang dbyibs ji lta ba'i rnam pa pus mo dang mgo bo btud pa/ lag pa sbos phor thogs pa 'drir gzhug par bya'o// rin po che'i ri bo de la 'phas
199a₂ ba spyan ras gzigs dbang phyug gi 'og tu khro bo'i rgyal po sgrol mas non pa sngar ji ltar nges par bstan pa de bzhin du mngon par bri'o/ / bcom ldan 'das kyi g.yon gyi gzhogs kyi seng ge'i khri'i 'og tu 'phags pa spyan ras
199a₃ gzigs dbang phyug gi zhabs kyi drung dang nye ba der rin po che'i ri la bzhugs pa'i lha mo sgrol ma mngon par bri ste/ sngar ji ltar nges par bstan pa de bzhin du 'drir gzhug par bya'o// ras de'i khor yug tu'ang me tog sil ma
199a₄ mngon par gtor te/ tsam pa ka dang / ut+pa la sngon po dang / pad+ma dang / so'u gan+d+hi ka dang / mA lA tI dang / bi rA ka dang / d+hA nu kA rI kA dang / pun+da ga dang / na ga ge sar la sogs pa'i me tog rnams kyis kho ra khor yug
199a₅ tu gcal du dgram par bya'o/ / ras kyi steng ras kyi mtha'i grwa gnyis su lha'i bu gnyis me tog gi tshogs 'thor bar byed bzhin pa/ gzugs rnam par bkra ba/ bar snang la gnas pa'i char sprin gyi nang na lding ba/
199a₆ kha dog dkar por mngon par bri bar bya'o// 'di ni ras ris 'bring por brjod// rtag tu dge legs don 'byung ba// sa steng skye bo mi rnams la// dngos grub 'bring po sbyin par byed// 'khor bar kun tu 'khor ba na//
199a₇ sdig pa cung zad sngon byas gang // 'dir ni bris sku mthong ba yis// de yis skad cig nyid la 'jig/ sems can rmongs pa mi shes pa// de rnams 'gro ba lnga por 'khyams// gang zhig byang chub sems dpa' yi// bris sku//

_{iiif viewer powered by OpenSeadragon}

198b - 199b

Texts on this page