rKTs

e-texts navigator

Volume

Page

96b₁ brkyang ba'am/ brkyang ba las bskum pa tsam gyis tshangs pa'i 'jig rten nas mi snang bar gyur cing / bcom ldan 'das kyi spyan sngar lhags te phyogs gcig tu 'khod nas/ tshangs ris kyi lha gcig gis tshigs su bcad de
96b₂ gsol pa/ 'dus pa che la gzhol ba yi// lha tshogs kun nas lhags gyur pas// gzhan gyis mi thub dge 'dun la// blta ba'i slad du bdag cag mchis// tshangs ris kyi lha gnyis pas tshigs su bcad de gsol pa//
96b₃ drang por gyur pa'i sems kyis ni// 'di na dge sbyor rab brtson pa// kha lo pa ltar mig blangs shing // dbang po rnams ni legs sdom bgyid// tshangs ris kyi lha gsum pas tshigs su bcad de gsol pa/ dbang phur
96b₄ bod pa 'obs 'dra ba'i/ / phur bu rab bcom bkrir mi tshugs// de dag sred bral dag spyod cing // 'dren pas glang po gzhon ltar btul// tshangs ris kyi lha bzhi pas tshigs su bcad de gsol pa/ gang dag sangs rgyas
96b₅ skyabs mchi ba/ / de dag ngan 'gror mi mchi zhing // mi lus spangs par gyur nas kyang // lha yi lus ni thob par 'gyur// tshangs ris kyi lha bzhi po dag gis de skad ces gsol nas de nyid na bag bcu ma ste 'khod do// de nas
96b₆ bcom ldan 'das kyis/ lha'i 'khor thams cad la rnam par gzigs nas dge slong rnams la bka' stsal pa/ dge slong dag kye ma lha rnams kyi 'dus pa 'di ni che ba yin no// dge slong dag kye ma lha rnams kyi 'dus pa 'di ni
96b₇ shin tu che ba yin te/ de bzhin gshegs pa dgra bcom pa yang dag par rdzogs pa'i sangs rgyas gang dag 'das pa'i dus na byung bar gyur pa'i sangs rgyas bcom ldan 'das de dag la yang 'di lta ste/ dper na ltar nga'i lha rnams kyi

_{iiif viewer powered by OpenSeadragon}

96a - 97a

Texts on this page