rKTs

e-texts navigator

Volume

Page

96a₁ rjes su thob pa/ srid par kun tu sbyor ba yongs su zad pa/ yang dag pa'i shes pas sems shin tu rnam par grol ba sha stag dang thabs cig tu bzhugs so// de nas bcom ldan 'das dge slong
96a₂ gi dge 'dun la mya ngan las 'das pa dang ldan pa'i chos kyi gtam ston par mdzad de/ de'i tshe na phyogs bcu kun gyi 'jig rten gyi khams dag na dbang che bar grags pa/ dbang che bar grags pa'i lha dag lhags nas/
96a₃ bcom ldan 'das dang dge slong gi dge 'dun la bsnyen bkur byed do// de nas tshangs ris kyi lha tshangs pa'i 'jig rten na gnas pa bzhi zhig 'di snyam du sems te/ sangs rgyas bcom ldan 'das de ni shAkya rnams kyi
96a₄ ser skya'i gnas kyi nags tshal na/ dge slong lnga brgya thams cad kyang dgra bcom pa/ zag pa zad pa/ bya ba byas pa/ byed pa byas pa/ khur bor ba/ bdag gi don rjes su thob pa/ srid par kun tu sbyor ba yongs su
96a₅ zad pa/ yang dag pa'i shes pas sems shin tu rnam par grol ba sha stag dang thabs cig tu bzhugs so// de nas bcom ldan 'das dge slong gi dge 'dun la mya ngan las 'das pa dang ldan pa'i chos kyi gtam ston par
96a₆ mdzad de/ de'i tshe na phyogs bcu kun gyi 'jig rten gyi khams dag na dbang che bar grags pa dang / dbang che bar grags pa'i lha dag lhags nas/ bcom ldan 'das dang dge slong gi dge 'dun la bsnyen bkur byed kyi/ bdag cag
96a₇ kyang song la/ bcom ldan 'das la re re nas tshigs su bcad pas mngon par bstod par bya gor ma chag snyam mo// de nas tshangs raris kyi lha bzhi po dag 'di lta ste/ dper na skyes bu stobs dang ldan pas lag pa bskum pa las

_{iiif viewer powered by OpenSeadragon}

95b - 96b

Texts on this page