| e-texts navigator |
| བོད་ཡིག |
258b1 ga bur kla rtsi gi'u wang dang // gur kum dzA ti li shi dang // ka tan la dang sug smel dang // tsan dan dkar dang pad+ma dang // gser gyi me tog ut+pal sngo// re re la yang sngags stong bzla// sbrang rtsi dkar po
258b2 lhan cig bsdu/ / dkyil 'khor dbus su sku yi zhal// dbu ma la ni gdags bya ste// tshes gcig nas ni bcu bzhi'i bar// nyin re sngags stong brjod par bya// mchod pas rgya cher mchod par bya// bstod
258b3 dang gsol ba gdab par bya/ / dge slong dge tshul dge bsnyen gang // bco lnga'i nyin par lnga stong bzla// de nas gtsang ma'i gnod bzhag ste// dgos pa gang dang gang la yang // lha ni de dang de dag sbyar// gang
258b4 la bgegs kyis gnod gyur nas/ / pad+ma gar gyi sngags kyis bdun// mgo bo'i nad yams bsal ba dang // ha la ha la'i sngags bzlas pas// gso la sogs pa 'dul bar bya// gzhan dag dga' bar
258b5 'dod pas ni/ / yid bzhin nor bu'i 'phreng sngags kyis// mig gi steng du byug par bya// rgyal po rgyal mo la sogs pa// pho mo dbang du bya 'dod na// rdo rje chos kyi 'phreng sngags kyis// dpral bar
258b6 thig le bya ba'o/ / mdze la sogs pa'i nad la ni// seng ge'i sgra yi 'phreng sngags kyis// lus la reg pa bde bar byug/ long du zhugs pa'i nad la ni// ha ri chen po'i sngags dang chus// rang gi khong du btung
258b7 bar bya/ / byad stems rig sngags thog pa la// don yod zhags pa'i sngags kyis bdug/ dug nad sel la mgrin sngon te// sgrib pa sbyong ba'i don du ni// gdong bcu gcig pa nyid kyi sbyar// rgyal srid
iiif viewer powered by OpenSeadragon
Texts on this page
S636 - 'phags pa spyan ras gzigs dbang phyug gi rtsa ba'i rgyud kyi rgyal po pad ma dra ba zhes bya ba