| e-texts navigator |
| བོད་ཡིག |
247b1 bcur rab grags 'gyur/ / de nas yang dag bshad bya ba// bsnyen pas bgegs kyi mthu bcom nas// dngos grub myur du rnyed bya'i phyir// sgrub pa la ni brtson par bya// zla ba dkar po'i
247b2 tshes gcig nas/ / khrus byas gos gsar gyon byas nas// sku gzugs bzang po'i mdun 'dug nas// sbyang bar gnas nA nyin gcig la// dus gsum sngags 'di brgya rtsa brgyad// brjod cing ci 'byor
247b3 mchod par bya/ / tshes brgyad tho rangs dus nas ni// dben par gdan khri bzang po la// sku gzugs nub tu gzigs nas gzhag/ bza' btung mngar bas spags par mchod// a ka ru dang du ru ka/
247b4 bdug pa rgyun du bsreg par bya// 'bru dkar 'o ma'i zas bza' zhing // zhag gsum bzlas pa ci nus bya// de nas zhag gsum bar du bdag/ 'o ma zho dang 'bras chan 'tshal// lha la mchod pa cher bskyed
247b5 nas/ / byang chub shing drung stong rtsa brgya da// du ru ka yi mar du spangs// dum bu re re sngags re dang // byang chub sems dpa'i drung du bsregs// sa yang g.yo zhing sku yang g.yo// steng zhal nas ni snyan pa'i
247b6 smra/ / legs so legs so rigs kyi bu// khyod ni nan tan brtson 'grus can// 'dod dman don gnyer gang yin pa// mkha' la 'phur ram rkang mgyogs sam// drang srong rig 'dzin rgyal po la/
247b7 bdag dang skal mnyam 'dod na yang // de ring nyid du stsal bar bgyi// bco lnga'i tshe sa la sku gzugs te// bde gshegs ring bsrel yod pa yi// mchod rten nang ngam chung ngu bzhugs// gso
iiif viewer powered by OpenSeadragon
Texts on this page
S636 - 'phags pa spyan ras gzigs dbang phyug gi rtsa ba'i rgyud kyi rgyal po pad ma dra ba zhes bya ba