rKTs

e-texts navigator

Volume

Page

177b₁ steng nas dgab/ / thun rdzas brab cing sngags 'di bzlas// oM badz+ra kro d+ha ha la gri ba hUM hu lu hu lu hUM phaT/ phaT hUM hUM ka ya nA big+h+nAM bi trak+She k+ShaM la kA sA ma badz+ra oM/ de skad brjod cing thun gyis brab// de la rtags rnams
177b₂ rdzogs pa dang / / de nas gso ba'i cho ga bya// bris sku bla rdo dam rdzas rnams// spos chus bkru zhing sngags 'od bzlas// oM badz+ra ma hA kA la k+Shi k+She tra big+h+nAM bi nA ya ka hUM hUM phaT sos sos swA hA/ de skad byas la kan+da
177b₃ su ni/ mgon po'i gzugs kyang spos chus bkru// gru gsum dbus su blangs byas la// dgra bo'i ming rus snying khar gzhug/ zhag bdun bsgrubs la dgra la bskyal// a mu ka ni myur du rlag/ dpal mgon po nag
177b₄ po'i rgyud las/ ma grub na spogs pa'i cho ga dang gso ba'i le'u ste lnga pa'o// // de nas yang dag bshad bya ba// bya nag 'phur zhing lding ba dang // mon pa a tsa ra dang ni// dge ba shes ban d+he
177b₅ slob dpon dang / / 'od dang sgra dang khang pa 'tshe// mgon po'i sku dag dngos su mthong // dgra la dmag drangs sems can bsad// mi nag dag la snying stobs dang // mdze bo dang ni sprang po dang // bya nag thang la
177b₆ lhung ba 'byung / / dpal mgon po nag po'i rgyud las/ rtags kyi rim pa'i le'u ste drug pa'o// / de nas yang dag bshad bya ba// ser ba dbab pa'i las bya na// mon nam mdze can thod pa ru/
177b₇ 'khor lo rtsibs bzhi bris nas kyang // rigs lnga klu yi sa bon dpod// rtsibs mtshan ser srun ming rus dang // yul du phob ces bya ba bri// de mthar 'khor lo rtsibs dgu la// dregs pa'i sngags ni bri bar bya//

_{iiif viewer powered by OpenSeadragon}

177a - 178a

Texts on this page