rKTs

e-texts navigator

Volume

Page

325a₁ ldan nam/ yang na sman pa sman ma yin par byed pa'ang yod de/ 'di ni dus ma yin par 'chi ba dang po'o// dus ma yin par 'chi ba gnyis pa ni/ gang dag rgyal
325a₂ po'i chad pas 'chi ba'i dus byed pa'o/ / dus ma yin par 'chi ba gsum pa ni/ gang dag ha cang bag med de bag med par gnas pa de dag la mi ma yin pa dag gis mdangs 'phrog pa'o// /
325a₃ dus ma yin par 'chi ba bzhi pa ni/ gang dag mes tshig ste 'chi ba'i dus byed pa'o// dus ma yin par 'chi ba lnga pa ni/ gang dag chus 'chi ba'o// dus ma yin par 'chi ba drug pa ni/
325a₄ gang dag seng ge dang / stag dang / wa dang / sbrul dang / gcan gzan khro bo'i nang du chud de 'chi'o// dus ma yin par 'chi ba bdun pa ni/ gang dag ri kha nas ga yang du lhung ba'o//
325a₅ dus ma yin par 'chi ba brgyad pa ni/ gang dag dug dang / byad dang / ro langs kyi sbyor bas gsod pa'o// dus ma yin par 'chi ba dgu pa ni/ gang dag zas dang skom ma rnyed nas
325a₆ bkres pa dang skom pas nyen te 'chi ba'i dus byed pa'o/ / mdor na 'di dag ni de bzhin gshegs pas dus ma yin par 'chi ba chen por bstan pa ste/ gzhan yang dus ma yin par 'chi
325a₇ ba ni grangs med dpag tu med do/ / de nas 'khor der gnod sbyin gyi sde dpon chen po bcu gnyis 'dus par gyur te/ gnod sbyin gyi sde dpon chen po ji 'jigs dang / gnod sbyin

_{iiif viewer powered by OpenSeadragon}

324b - 325b

Texts on this page