| e-texts navigator |
| བོད་ཡིག |
166b1 bzhin/ / rdo rje sems dpa' zhes byar brjod// de nas bcom ldan 'das de gang yin zhe na/ kun mchog dngos grub chen po yi// dbang phyug chen po lhag pa'i lha// rdo rje 'dzin pa kun gyi rgya
166b2 rab tu dga' ba mi 'gyur mchog/ de la bcom ldan 'das dga' ba chen po nyid ji ltar yin zhe na/ nyes pa med cing shin tu rtag/ 'dod chags kun gyis rjes chags pa// de nyid 'di yis
166b3 gsang ba 'di/ / 'dod chags chen po'i dga' ba che// de la ci kun tu bzang po nyid ji ltar yin zhe na/ shin tu dag pa kun gyi mchog/ gdod nas grol ba de bzhin gshegs// kun tu
166b4 bzang po kun bdag nyid/ / byang chub sems dpa'i cho ga mchog/ de la rdo rje bsnyems pa'i bcom ldan 'das ji ltar yin zhe na/ kun mchog dngos grub chen po yis// dbang phyug chen po'i
166b5 phyag rgya'i mchog/ rdo rje dbang phyug cher bstod pas// rdo rje bsnyems pa'i bdag po'i bdag/ ces bya ba ni bcom ldan 'das mchog dang po'i skyes bu'o// mchog dang po yi nyid 'di/
166b6 rdo rje sems dpa' gang gang brjod// dngos grub kun gyi 'byor pa rnams// de la thams cad 'grub par 'gyur// zhes bya ba mchog gi de kho na nyid bcom ldan 'das rdo rje sems
166b7 dpas gsungs so/ / de nas de'i 'og tu las kyi byabs bcom ldan 'das thams cad kyi mchog nyid du bshad par bya'o// bcom ldan 'das rdo rje sems dpas gsungs so//
iiif viewer powered by OpenSeadragon
Texts on this page
S447 - dpal mchog dang po'i sngags kyi rtog pa'i dum bu zhes bya ba