| e-texts navigator |
| བོད་ཡིག |
53b1 kyang dbye bar bya/ / oM badz+ra g+ha naN+Da ra Ni ta// pra ra Ni ta/ saM pra ra Ni ta/ sar+b+ba bud+d+ha k+She tra/ pra tsa li ta/ pradz+nyA bA ra mi tA/ nA da sAdz+nyA be badz+ra d+harma hr-i da ya san+to Sha tin+na r+thA d+d+ha/ lag g.yas rdo rje gsor
53b2 bya zhing / / sna tshogs khugs su 'gyur ba yi// rdo rje glu yis bstod pa bya// rdo rje theg pas mnyes byed pa// 'di ni don dam mchod pa yin// gang gis rnam rtog rnam spangs te// byang chub sems ni
53b3 rnam bsgoms pas/ / lus ngag sems ni rnam dag pa// de yi mchod pa bla na med// sems can gang gis dbu ma yi// theg pa gong ma ma bsgoms shing // theg pa dman pa lhag mos pa//
53b4 de yi mchod sa kun rdzob pa// sangs rgyas dbang chen grags kun gyis// mchod pa de dag gsan pa dang // ngo mtshar byung ba'i spyan phye nas// legs so zhes ni rab tu gsungs// e ma go sangs rgyas
53b5 thams cad kyi/ / byang chub sangs rgyas thabs su ste// rdo rje bsgom pa byas pa yis// nyon mongs med par byang chub 'thob// rdo rje theg chen legs pa ste// sangs rgyas rnams kyis bstan pa legs
53b6 zab cing rgya che legs pa ste/ / rdo rje rin chen kun 'dus legs// de nas ye shes kyi sku gsum las byung ba'i byang chub sems dpa' de dag gis sangs rgyas thams cad kyis rdo rje theg pa bsngags pa
53b7 thos nas/ / dga' bas spu zing zhes byed par gyur nas/ gtso bo rdo rje snang mdzad la// dga' ba'i yid kyis bstod par byed// thog ma med cing skye ba med// 'gyur ba med cing gnas pa med//
iiif viewer powered by OpenSeadragon
Texts on this page
S428 - rgyud kyi rgyal po chen po sgyu 'phrul dra ba zhes bya ba