| e-texts navigator |
| བོད་ཡིག |
21b1 sdig pa thams cad bshags par bgyi// 'gro ba'i dge la yi rang ste// sangs rgyas byang chub yid kyis bzung // zhes lan gsum brjod do// de nas ci nus kyis ci 'dod pa'i chos bshad par bya'o// de nas
21b2 sngar bshad pa bzhin du mnyes par 'gyur ba'i mchod pa'i cho ga bzang po bya ste/ slar yang gshegs su gsol bar bya'o// de nas nang du zhugasal dkyil 'khor gyi sa gzhir glo g.yas pas nyal te/ rmi lam bzang
21b3 ngan bltas nas phyi de nyid dkyil 'khor bri bar bya'o/ / tshon dang thag la sangs rgyas lnga'i// ngo bo dag kyang sprul par bya// 'di ni chos dbyings dag pa ste// sems can rnams ni rnam grol mdzad// de bzhin gshegs/
21b4 pa kun gyi gnas// rnam par snang mdzad rgyal bdag ste// nyes pa thams cad rnam spangs pa'i// tshon rtsi dbye ba brtsam par bya// dang por slob dpon nyid kyis dgye// de nas kun tu slob mas bya//
21b5 dang po sa gzhi yongs gzung ba// gnyis pa sta gon gnas pa ste// nub gsum pa ni 'jug pa yin// tshon sna lnga pa'i srad bu yis// khru stong pa 'am lnga brgya par// dkyil 'khor dam pa thig gdab bo//
21b6 yang na khru lnga khru do pa 'am// khru gang ba yi bar du bya'o// gru bzhi pa la sgo bzhi pa// rta babs bzhis ni brgyan pa yi// dbus su 'khor lo legs par bri// dkyil du rnam par snang mdzad gzhag
21b7 shar phyogs su ni mi 'khrug pa/ lho phyogs su ni rin chen 'byung // nub phyogs su ni 'od dpag med// byang phyogs su ni don grub rnams// 'khor lo'i grwar ni lha mo bzhi// dngos grub sbyin par mdzad
iiif viewer powered by OpenSeadragon
Texts on this page
S428 - rgyud kyi rgyal po chen po sgyu 'phrul dra ba zhes bya ba