| e-texts navigator |
| བོད་ཡིག |
201a1 slar yang sngags la mchog gzhol ba// slar yang rgyal srid dbang po sogs// 'khor los sgyur bar 'gyur ba yin// gsang sngags chen po legs sbas pa// byis pa'i rnal 'byor
201a2 la mi bstan/ / bden par sangs rgyas nyid 'dod pa/ rgyud la 'jug pa la bstan bya// 'di las rgyud 'di brjod pa la// dang por dbang bskur bya ba ste// phyi nas 'di ni bstan par bya// rgyud rgyal rgyud kyi
201a3 mchog gyur pa/ / sngags dang bsam gtan brjod nyung ba// bklags pa tsam gyis 'grub par 'gyur// gang sdig las la dga' ba dang // dad pa dman pas 'grub mi 'gyur// gang yang sdig pa byed pa
201a4 yang / / bslab sa 'dzin par byed na ni// 'bad med dngos grub nyid 'grub par// 'gyur bar 'dir ni the tshom med// dge ba bcu las brtsams nas ni// phyi nas chos ni rab gsal bya// de bzhin de
201a5 yi bya ba ni/ / ji lta ba bzhin 'gyur ba yin// zhes pa rgyal srid kyi bslab pa'i le'u ste brgyad pa'o// // bcom ldan 'das kye rgyal po ru// 'byung bar 'gyur la chos can 'gyur//
201a6 chos kyi ro ning bdag la gsungs// sngags kyi de nyid med par gang // bsam gtan med pa 'di nyid la// sems can thams cad bsgral don du// sngags kyi re nyid rab gsal ba// bsam gtan med pas
201a7 'grub par 'gyur/ / bsam gtan med na de nyid las// rnam pa gzhan du rgyur 'gyur ro// kyis rnams phyag rgya de byed pa// dang po lha yi gzugs su ste// lus ni rnam par dag par bya// gnyis par
iiif viewer powered by OpenSeadragon
Texts on this page
S435 - dpal ldan gshin rje gshed dmar po'i rgyud kyi rgyal po zhes bya ba