| e-texts navigator |
| བོད་ཡིག |
345a1 mdzad do/ / gsang ba dag pa dmigs pa med// ye shes yon tan kun gyi gzhi// kun nas ye shes bdag med pa// gsang ba'i ye shes phyag 'tshal bstod// gsang ba'i de nyid
345a2 don dang ldan/ / mchog gi spyod pa rgya mtsho che// kun nas 'dod pa yang dag 'byung // rdo rje ye shes phyag 'tshal bstod// gtso bo'i ye shes ji ltar gnas// rdo rje mi phyed gsum gnas pa// rigs kyi pha
345a3 rol phyin pa thob/ / byang chub spyod la phyag 'tshal bstod// sems can kun skyes can gyi mchog/ sangs rgyas byang chub rab bzhugs mdzad// rang bzhin dag pa dag pa'i mchog/ sems can skyob la
345a4 phyag 'tshal bstod/ / chos sku thar pa chen po ste// yid bzhin nor bu mthong ba che// sems can kun dgyes byed pa po// dag pa'i spyod la phyag 'tshal bstod// de nas yang yid bzhin nor bu'i dam tshig
345a5 rdo rje zhes bya ba'i byang chub sems dpas/ phyag na rdo rje byang chub sems dpa' la 'di skad ces gsol to// bcom ldan 'das byang chub sems dpa' de'i mthong ba'i chos kyi yon tan gyi khyad par
345a6 so sor 'dod par bya ba gang ji ltar lags/ de nas phyag na rdo rje de bzhin gshegs pa thams cad kyi bdag pos/ byang chub sems dpa' de la 'di skad ces bka' stsal to// the tshom med par mnyam
345a7 par shes/ / sangs rgyas chos sku 'dong bar bya// the tshom med par 'du shes pa// chos rnams thams cad 'dod par bya// the tshom med par 'du shes pa// 'du byas thams cad 'dod par bya// 'di lta ste/
iiif viewer powered by OpenSeadragon
Texts on this page
S414 - 'phags pa gnyis su med pa mnyam pa nyid rnam par rgyal ba zhes bya ba'i rtog pa'i rgyal po chen po