rKTs

e-texts navigator

Volume

Page

322b₁ lho phyogs yi dgas rnams kyi bdag/ gshin rje dang ni ma mo bdun// bden bral phyogs su yi dgas kyi// dbang po dang ni 'byung po kun// nub kyi phyogs su klu yi bdag/ chu lha dang ni klu rnams kun// rlung gi phyogs
322b₂ su rlung lha dang / / rig pa 'dzin pa thams cad dang // byang gi phyogs su gnod sbyin bdag/ lus ngan dang ni gnod sbyin kun// dbang ldan phyogs su dbang phyug ni// 'byung po kun gyi bdag po dang // ji skad gsungs
322b₃ pa cho ga yis/ / bum pa dgod dang gdan sogs bya// lha rnams kun gyi rgyal po ni// der ni dgod par bya ba yin// mkhas pas me tog dri sogs kyis// mchod pa'i cho ga byas nas ni// mnyes pa'i rigs
322b₄ pas mnyes par bya/ / de ltar dgas 'gyur gzhan du min// 'dir ni sngon mthar de rnams kyi// nya dang chang sogs rab sbyin bya// cho ga shes pas gsang ba'i mchod// sgo bzhi rnams su brtag par bya// khu ba de ni
322b₅ bzung byas nas/ / thams cad du ni dbul bar bya// rig ma'i tshul gyi cho ga yis// de ni yang yang dgyes par bya// mkhas pas dga' ba'i rnam pa yis// thog mar gtor ma sbyin par bya// cho ga shes pas
322b₆ 'phrog ma yis/ / gnyis pa ru ni yang dag gzung // sngags pas khyad par gsum pa ru// sangs rgyas rnams kyi sbyin par bya// de nyid brjod pa de yis ni// gang gsungs sbyin sreg las rnams bya// de tshe slob
322b₇ ma dbang bskur ba'i/ / las rnams so sor bsgrub par bya// de bzhin bsam pas bum pa ru// rdo rje sems dpa'i rab sbyor gyis// lhag ma'i sangs rgyas zhes bya bar// de nyid rigs par yang dag bskyed//

_{iiif viewer powered by OpenSeadragon}

322a - 323a

Texts on this page