| e-texts navigator |
| བོད་ཡིག |
321b1 gsungs so/ / oM kA ma dz+nyA nod b+ha bA ya swA hA/ de bzhin nyid du kun shes phyir// de nyid du ni sbyar bar bya// rang gi gzugs kyis bzhag nas ni// de kun de la bsgom par bya// bskyed pa la sogs kun
321b2 'byung ba/ / rang gi sngags nyid kyis ni bya// mang po phan tshun yang dag sbyor// phyag rgya der ni rnam bsgom bya// blo ldan ye shes rigs la ni// sor mo'i rnam pa sbyor bar bshad// rdo rje'i rnam pas kun sbyar
321b3 nas rin chen rnam pas sbyar bar bya/ / pad+ma'i rnam pas kun sbyar nas// 'di ni chos kyi rigs su brjod// rtsa gsum rnam pa'i dbye ba yis// de nyid du ni bcing bar bya// bcom ldan 'das byang chub kyi sems
321b4 kyis de skad ces gsungs so/ / bsam gtan gyi dkyil 'khor zhes bya ba sems dpa' chen po bskyed par byed pa'i le'u ste bcu gnyis pa rdzogs so// / de nas bcom ldan 'das phyag
321b5 na rdo rjes slar yang bsam pa thams cad yongs su rdzogs pa'i dam tshig 'byung ba rdo rje byin gyis rlob pa zhes bya ba'i ting nge 'dzin la snyoms par zhugs nas/ dam tshig chen po'i dngos grub kyi dkyil 'khor chen po
321b6 'di gsungs so/ / de nas yang dag rab bshad bya// dkyil 'khor chen po dam pa 'di// rdo rje ye shes lta bu ste// dngos grub chen po zhes bshad do// gsar pa legs par bkal ba yi// tshad dang ldan pa mdzes
321b7 pa yis/ / thig gis mkhas pas ci nus kyis// dkyil 'khor la ni thig gdab bo// grwa bzhi pa la sgo bzhi pa// rta babs bzhi yis brgyan pa dang // thig bzhi dang ni yang dag ldan// dar dang me tog chun
iiif viewer powered by OpenSeadragon
Texts on this page
S414 - 'phags pa gnyis su med pa mnyam pa nyid rnam par rgyal ba zhes bya ba'i rtog pa'i rgyal po chen po