rKTs

e-texts navigator

Volume

Page

317a₁ dam tshig rdo rje byin gyis rlob pa zhes bya ba'i ting nge 'dzin la snyoms par zhugs nas/ dam tshig thams cad kyi dngos grub kyi ye shes kun tu spyod pa'i phyir dkyil 'khor chen po 'di
317a₂ ston par mdzad do/ / de nas yang dag bshad bya ba// dkyil 'khor chen po dam pa ste// rdo rje ye shes lta bu ste// sangs rgyas byang chub rab gsal byed// 'o ma dang zhor bsam bya zhing // pad+ma phra mos nye
317a₃ bar mdzes/ / sna tshogs me tog chun pos gang // rab tu 'bad pas bsgom par bya// logs bzhi pa dang zur bzhi par// mkhas pas rab tu brtag par gyis// 'dzam bu nA da yang dag byung // de la dbus
317a₄ su bsgom par bya/ / khru ni bcu drug tu bya ba// sangs rgyas slob dpon cho ga gnas// cho ga shes pas grwa rnams su// rtse mo lnga pa rnam bsgom bya// ji ltar rigs pa'i gnas lnga ru// zla ba yi ni dkyil 'khor brtag/
317a₅ dkyil 'khor rnams ni sgom byed pa// lag pa gcig tu yang dag bskyed// ji ltar rigs pas shar gyi ni// mi bskyod yongs su brtag par bya// cho ga shes pas lho yi ni// deng ni rin chen dgod par bya//
317a₆ nub kyi dpag med ces brjod pa// byang du don yod grub pa'o// cho ga shes pas ser po'i mdog/ de nyid sgom pas bsgom par bya// dbus su khyab bdag rnam snang mdzad// sangs rgyas bskyed nas bsgom
317a₇ par bya/ / slob ma'i rnam par thams cad du// cho ga shes pas rnam bsgom bya// rig ma chen mo spyan la sogs// grwa rnams nyid du rnam bsgom bya// cho ga shes pas bdud rtsi zhes// sgo rnams kun tu bsgom

_{iiif viewer powered by OpenSeadragon}

316b - 317b

Texts on this page