| e-texts navigator |
| བོད་ཡིག |
291b1 dgyes pa chen po zhes bya ba'i 'od zer gyi tshogs phyung ste/ de bzhin gshegs pa thams cad kyi gsang ba'i snying po zla ba'i thig le'i dbus su rgyas par byas te/ nam mkha'i dbyings thams
291b2 cad du'ang snang bar byas nas steng 'og tu'ang bzhugs te/ ma lus shing lus pa med pa'i ri dang / sems can thams cad la gsal bar byas nas shin tu dgyes pa chen po'i bde bas mnyes
291b3 par byas te slar log nas/ bcom ldan 'das shin tu dgyes pa chen po'i bde ba'i bdag po'i snying po'i mchog gi zla ba'i thig le'i dbus na bde bar bzhugs so// de nas bcom ldan 'das
291b4 de bzhin gshegs pa thams cad 'od zer gyi tshogs kyi phres pa mchog tu bde bar gyur pa'i snying po des bskul ba na gar mdzad cing rang rang gi ting nge 'dzin du dmigs nas/ bcom ldan
291b5 'das dpal kun tu bzang po'i thugs ka'i zla ba'i thig le'i dbus su gsang ba'i dgyes pa chen po'i bde bar gcig tu bsdus par gyur te/ rang rang gi sku bud med kyi tshul du bskyed nas bcom
291b6 ldan 'das kyi thugs ka nas mngon par byung bar gyur to/ / de nas mkha' 'gro'i tshogs de dag thams cad rab tu dga' nas ca co'i sgra yang dag par 'byin cing dpyad chen po brjod par gyur to//
291b7 kye ma'o rdo rje sems dpa' yi// rdo rje shin tu dgyes chen po// kye ma'o sna tshogs thabs ni bde byed che// sna tshogs ye shes bde ba che// kye ma'o kun tu bzang po yi// dge ba'i ye shes bde byed che//
iiif viewer powered by OpenSeadragon
Texts on this page
S413 - dpal rdo rje snying po rgyan gyi rgyud ces bya ba