| e-texts navigator |
| བོད་ཡིག |
277a1 rnal 'byor bdag nyid can gyi bdag/ rnal 'byor rnam gsum shes bya ste// byin gyis brlabs dang yongs brtags dang // gzugs nyid yongs su rdzogs pa dag/ rnal 'byor yin zhes
277a2 sangs rgyas gsungs/ / sngags kyis byin brlabs nga rgyal bskyed// rnal 'byor byin rlabs yin par gsungs// byang chub sems ni dag pa dang // gsang sngags sa bon skye ba che// phyag rgya tshogs su
277a3 brtag pa yi/ / rim gyis gzugs kyi rdzogs bya ba// de ni brtags pas brjod pa ste// rnal 'byor cho ga yin par gsungs// bsdu dang spro bar bya ba las// rnam pa'i mchog kun ldan pa dang // skad
277a4 cig ye shes kyis rdzogs pa/ / rdzogs pa'i rnal 'byor zhes brjod do// dang por dam tshig byin brlabs par// rnal 'byor rig pa dag gis brtag/ rab tu rdzogs par bya ba dag/ 'di ni rnal
277a5 'byor cho gar bshad/ / nyon mongs dri mar bcas pa'i sems// byang chub sems kyis dag bya ste// de ni rang bzhin dag pa'o zhes// brjod cing thal mo gsum gyis sbyar// ngag gyur de nas blo yis ni//
277a6 sems la so sor brtag par bya// sems la so sor brtags nas kyang // phyi rol rang bzhin stong par bya// sems tsam la ni gnas nas su// byang chub tshogs kyi bag chags des// bsgom par bya ba'i ngo bo dag
277a7 zla ba'i gzugs su rnam par brtag/ dag pa'i pad+ma la gnas pa// oM gyi myu gus bskrun pa yi// yan lag kun gyi mtshan nyid gzugs// rdo rje sku ni bsgom par bya// AHzhes bya ba'i spros med gsung /
iiif viewer powered by OpenSeadragon
Texts on this page
S413 - dpal rdo rje snying po rgyan gyi rgyud ces bya ba