| e-texts navigator |
| བོད་ཡིག |
267a1 thams cad brgyal bltar gnas so/ / de nas de bzhin gshegs pa thams cad kyi dbang phyug gis de bsrung ba'i phyir mkha' 'gro thams cad 'byung ba zhes bya ba'i ting nge 'dzin la snyoms par
267a2 zhugs so/ / snyoms par zhugs ma thag tu de dag dran pa slar thob cing ji lta ba bzhin du gnas so// de nas de bzhin gshegs pa thams cad kyi dbang phyug gis 'khor lo rnam par dgod pa zhes bya ba'i ting
267a3 'dzin la snyoms par zhugs nas/ snyoms par zhugs ma thag tu rdo rje mkha' 'gro de dag thams cad rang rang gi gnas ji lta ba bzhin du 'khod par gyur to// de'i tshe bcom ldan 'das rdo rje 'dzin pa chen po'i phyi
267a4 gyi rlabs kyis nam mkha'i dbyings na gnas pa ji snyed pa de dag thams cad kyang bde ba dang yid bde ba myong bar gyur to/ / de nas bcom ldan 'das de bzhin gshegs pa thams cad kyi dbang phyug gis
267a5 rdo rje snying po rgyan gyis rgyud 'byung ba zhes bya ba'i ting nge 'dzin la snyoms par zhugs nas/ sems can gyi khams thams cad mnyam pa nyid du dmigs te/ dbugs rngub par mi mdzad/ 'byung bar mi
267a6 mdzad/ lus 'gyur bar yang mi mdzad/ lus gnas par yang mi mdzad/ dus gsum gyi de bzhin gshegs pa thams cad la mi gzigs/ mi dgongs/ nye bar mi 'jig go/ thabs dang shes rab
267a7 stong par yang mi mdzad/ shin tu 'gal ba can yang dag par 'dzud par mi mdzad/ mtho ris la'ang mi 'jog/ ma dad pa rnams dad par yang mi mdzad/ ma dul ba rnams dul bar yang mi mdzad/ nye bar
iiif viewer powered by OpenSeadragon
Texts on this page
S413 - dpal rdo rje snying po rgyan gyi rgyud ces bya ba