rKTs

e-texts navigator

Volume

Page

261b₁ thabs su gyur pa'o/ / sems dang sems las byung ba mnyam par sbyar ba ni bde ba chen po'i ting nge 'dzin gyi thabs su gyur pa'o// de sgyu ma'i dpes nye bar mtshon pa ste/ de'i phyir sangs rgyas kyi zhing gAd+mang+ga'i klung
261b₂ gi bye ma snyed kyi de bzhin gshegs pa rnams ni sgyu ma lta bu dang / chu zla dang / mig yor dang / mig rgyu dang / rmi lam dang / sgra brnyan dang / dri za'i grong khyer dang / mig 'phrul dang / dbang po'i gzhu dang /
261b₃ glog dang / chu bur dang / me long gi gzugs brnyan lta bu ste/ sgyu ma'i dpe bcu gnyis kyi bde ba chen po'i ting nge 'dzin nye bar mtshon par byed pa yin no// ji ltar 'o ma bsrubs pa las mar dang / ji ltar til
261b₄ las til mar te/ de bzhin du rdo rjes ni thabs kyi ye shes nye bar mtshon pa'i phyir dang / pad+mas ni shes rab kyi ye shes nye bar mtshon pa'i phyir ro// ji ltar 'o ma dang til dag yang dag par mngon par 'dus byas pa mang
261b₅ par mar dang til mar mi 'byung ba de bzhin du/ sngag dang phyag rgyas mngon par 'dus byas pa'i rdo rje dang pad+ma ma'am par sbyar ba meng par rnam par shes pa gsum nye bar mtshon par mi nus so// gang gis b+ha ga dang ling
261b₆ ga yang dag par sbyor bar mi nus pa des ni bde ba chen po'i ting nge 'dzin mi rnyed do/ / bde ba chen po'i ting nge 'dzin 'ba'o zhig la lhag par mos pa tsam gyis ni las dang po pa'i sa la gnas par 'gyur te/ phyir mi
261b₇ ldog pa la'ang slob par 'gyur ro/ / gang rdo rje dang pad+ma mnyam par sbyor ba'i bde bas rang bzhin snang ba yang dag par nye bar mtshon par byed pa de ni bde ba chen po'i go 'phang la rab tu gnas par 'gyur ro//

_{iiif viewer powered by OpenSeadragon}

261a - 262a

Texts on this page