| e-texts navigator |
| བོད་ཡིག |
250b1 'dzin pa steng du rnam par spel// sngar bshad pa yi bdud rtsi lnga// 'di ni bcud kyis len du brjod// 'di nyid kyis ni grub par byed// lcags kyi gser 'gyur byas nas ni// rdo rje phyag rgya dngos grub che//
250b2 zung du 'jug pas thob par 'gyur// bskyed pa'i rim pa'i sbyor ba dang // de bzhin rdzogs pa'i rim pa yang // gang la de gnyis gcig 'gyur ba// de ni zung du 'jug par bshad// 'khor ba dang ni
250b3 mya ngan 'das/ / rtog pa gnyis po spangs pas ni// gang du dngos po gcig 'gyur ba// zung du 'jug ces de la bshad// kun rdzob dang ni don dam dag/ rtog pa gnyis dang rnam par bral//
250b4 gang du yang dag 'dres gyur pa// de ni zung du 'jug par bshad// rdo rje bzlas pa'i rab sbyor bas// rlung gi mtshan nyid shes nas ni// rnam rtog rlung rnams rnam par gcod// sems la dmigs
250b5 pa thob par 'gyur/ / bdag la byin rlabs rim pas kyang // dngos grub brgyad ni thob par 'gyur// snang ba la sogs dbye ba shes// mngon par byang chub rim pa thob// zung 'jug rim pa la gnas pa/
250b6 dngos grub thams cad bsdus pa ni// tshe 'di nyid la 'grub par 'gyur// rnal 'byor pa yis the tsom med// phyag rgya chen po'i dngos grub cher// zung du 'jug pa'i ting 'dzin gyis// rnam rtog med par
250b7 zhugs nas ni/ / thob pa 'di la the tsom med// lus ni gzhal yas khang du 'gyur// sangs rgyas kun gyis yang dag brtan// zur bzhi pa ni mdun rgyab dang // g.yas dang g.yon gyi dbye bas so// steng rtog/
iiif viewer powered by OpenSeadragon
Texts on this page
S410 - rnal 'byor chen po'i rgyud dpal rdo rje phreng ba mngon par brjod pa rgyud thams cad kyi snying po gsang ba rnam par phye ba zhes bya ba