| e-texts navigator |
| བོད་ཡིག |
48b1 po'o/ / / de nas gsang ba'i yan lag gi/ thig le la ni bdag phyag 'tshal// khams gsum skyes pa bza' byas nas// ye shes dngos po gnas pa bzhin// lha
48b2 yi dngos po dbyer med pas/ / steng dang 'og dang dbus su ni// thams cad kun nas stong pa nyid// ri rab gling gzhan zad byas nas// mnyam nyid sbyor ba kun tu bsam// thams
48b3 cad sdom pa dbye ba yis/ / de yi me tog thig le yi// thig le'i dbus su gsal ba'o// ye shes rdul ni rnam par thim// ye shes blo dang ldan pas shes// kha dog med cing mtshon kun
48b4 dngos/ / gzugs med ye shes gzugs bzhin no// ring ba ma yin thung ba min// mi ldan pa dang ldan pa nyid// gzugs dang stong pa'i de bzhin dbus// lhan cig ye shes gzung bar bya//
48b5 nyon mongs de bzhin mun pa ni// rnam shes lhan cig snang ba'o// ye shes rdo rjes bcom byas nas// snang ba'i dngos grub thob par 'gyur// rlung gi dkyil 'khor dbus su ni// me yi
48b6 dkyil 'khor 'dra ba'o/ / me yi dkyil 'khor dbus su ni// nyi ma'i dkyil 'khor 'dra ba'o// nyi ma'i dkyil 'khor dbus su ni// zla ba'i dkyil 'khor bsgom par bya// de dbus ji
48b7 skad gsungs pa yi/ / ye shes dang ni rnam shes sems// 'jigs pa med cing 'tshe med par// dngos pos dngos po bsgom par bya// ye shes kyi thig le'i sbyor ba'i le'u zhes bya ba ste/
iiif viewer powered by OpenSeadragon
Texts on this page
S391 - dpal gdan bzhi pa'i rnam par bshad pa'i rgyud kyi rgyal po zhes bya ba