| e-texts navigator |
| བོད་ཡིག |
413a1 phye ma zhib mor byas pa la// khrag chen gyis ni bsre bar bya// snga dro de bzhin nyin phyed dang // phyi dro la ni bza' bar bya// dus gsum zos nas rnal 'byor pas// de
413a2 nas rdo rje chu ni btung / / nyin dang nyin du mA ma kI// sgrub pa po gang sgrub byed pa// lus la nad ni med 'gyur zhing // rgas pa'i nad kyang med par byed// skal bzang rgyas pa'i mdangs ldan pa//
413a3 rgyal po'i sgor yang rgyal bar 'dren// des na 'dod pa kun sbyin pas// mchog rab de nyid thob pa yin// rnal 'byor de yang kun shes te// rdo rje sems dpa'i yon tan ldan// 'dod chags zhe sdang
413a4 las grol nas/ / brkam pa phrag dog rnam spangs nas// rdo rje bdud rtsi bde chen po// de yis sgrub pa 'grub pa'o// rdo rje bdud rtsi rgyud 'di ni// don mang gsang ba'i rim pa can// ma lus rdo rje
413a5 theg pa 'di/ / 'di las byung gyur lha mo kye// rgyas pa'i pad+ma mA ma kIs// 'dod chags kyi ni bde 'gyur bas// khyod la dam pa'i dngos bstan na// bdag gis gang la yang mi ston// 'di ni gsang
413a6 chen dam pa yin/ / yid dag kun gyi bdag la gnas// byang chub sems dpa' ma shes te// gzugs med stong par mi 'gyur bas// de na de nyid rig chen po// rdo rje spyi gtsug nor bu 'dod//
413a7 shin tu gsang nas gzungs lha mo// pha dang bu la'ang bstan mi bya// gal te dngos grub mchog 'dod na// gdan du gsang ba bstan pa dang // bla ma la chags brtul zhugs bstan// de la sbyin nas de
iiif viewer powered by OpenSeadragon
Texts on this page
S401 - rdo rje bdud rtsi'i rgyud