| e-texts navigator |
| བོད་ཡིག |
81a1 byed de nyid bsnyen/ / de nas rten bcas tsam gyis ni// nges par de yi mdun song ba// mchod dang gtor ma bsham par bya// sha chen sreg spos phul nas ni// dmigs
81a2 pa gtod par byed pa dang / / gang la bya ba'i bsgrub bya de// dmigs pas bkug cing btab pa dang // gtor mar dbul zhing bka' bsgo bya// lha dang phral zhing nyes pa bsgo// de nas ma nyes nyes
81a3 pa bsgrag/ dbang btsugs las la bcol bskul bya// de yis nges par 'grub par 'gyur// de las khyad par 'phrin las ni// lha byin dang ni mchod sbyin sogs// bsgral ba'i zhing de gang
81a4 yin pa/ / de yi zag pa'i rdzas rnams dang // phung shul sa dang g.yul spangs// grog mkhar sa la sogs pa rnams// bdud chad sa la bong bu'i chus// sbrus te ling ga sta gon bya// de nas
81a5 dben par song nas ni/ / mar ngo yi ni tshes brgyad dam// bcu bzhi la sogs bsgrub dus la// gza' skar shin tu drag po la// de nas 'khor lo bri bar bya// rgyu ni ro ras shing shun dang // zhing
81a6 lpags dag la dug sna dang / / khrag dang dug gi me tog gi/ du ba mtshan ngan thod chag la// mchog phur bstod pa'i snag tshas bri// rgya skyegs dag gis bsres la bri// tshad dang ldan pa'i mu khyud
81a7 ni/ rim pa bzhi dang ldan pa la/ nang du le tshe dgu pa bya// phyogs bzhi dbus dang lnga por ni// gru gsum nag po sa bon bcas// las rnams byed pa rlung yig dang // ma hA kA la 'bru bzhi dang /
iiif viewer powered by OpenSeadragon
Texts on this page
S378 - dpal rdo rje nag po chen po khros pa'i mgon po gsang ba dngos grub 'byung ba zhes bya ba'i rgyud