| e-texts navigator |
| བོད་ཡིག |
330a1 gti mug las ni bskyed pa ltos// sangs rgyas thod pa'i rgyud rnal 'byor ma'i gong na med pa gsang ba'i yang shin tu gsang ba las// dkyil 'khor 'jigs pa bri ba dang slob ma
330a2 dbang bskur ba'i le'u ste drug pa'o/ / / de nas yang dag rab bshad pa// ri dang phug dang tshang tshing ngam// yang na dur khrod dag dang ni// gdod nas grub pa'i gnas su 'am/
330a3 'on te rgya mtsho'i 'gram dag tu// phyi yi dkyil 'khor bla med bri// rdul tshon sngon po ni ro bsregs pa'i sol ba las bya'o// rdul tshon dmar po ni dur khrod kyi so phag las bya'o// rdul chen
330a4 ljang khu ni nim pa'i ba dab ma las bya'o/ / rdul tshon dkar po ni mi'i rus pa'i phye ma las bya'o// rdul tshon ser po ni yung ba'i phye ma las bya'o// de ltar rdul chen lnga rnams kyis// mkhas
330a5 pas dkyil 'khor bri bar bya/ / pho brang rigs gsum zlum po la// rdo rje gsum gyis yongs su bskor// phyi rol gru bzhi lham pa yi// sgo bzhir rnga babs rnams kyis brgyan// ba dan
330a6 rnam pa bzhi yis brgyan/ / dra ba dra ba phyed pas spras// phyi rol kha khyer dag pa dang // rin chen pha gur yang dag ldan// pad+ma nyi ma'i nyi shu lnga'i// gdun rnams kyis ni shin tu mdzes//
330a7 de yi dbus chung sa bon ni// yi ge hUM gi rang bzhin sngo// skad cig tsam gyis he ru ka/ sku mdog sngon po grags chen po// g.yas na cang te'u gri gug ste// g.yon na kha Ta zod pa'o//
iiif viewer powered by OpenSeadragon
Texts on this page
S385 - dpal sangs rgyas thod pa zhes bya ba rnal 'byor ma'i rgyud kyi rgyal po