| e-texts navigator |
| བོད་ཡིག |
108a1 por gcig ni bsgom par bya/ / rdo rje snying po snying rje che// dngos po nyid kyis rnam grol zhing // dngos po'i 'ching bas 'ching bar 'gyur// de yongs shes pas grol ba yin//
108a2 dngos po med pa'ang yongs shes pas// dngos po sgom 'gyur shes rab can// dngos po med pa yongs shes pas// de ltar he ru ka bsgom bya// lus la ye shes chen po gnas// rtog pa
108a3 thams cad yang dag spangs/ / dngos po kun la khyab pa po// lus gnas lus las ma skyes pa'o// rdo rje snying pos gsol pa/ kye bcom ldan 'das rdo rje'i lus la rtsa du lags/ bcom ldan
108a4 'das kyis bka' stsal pa/ rtsa rnams ni sum cu rtsa gnyis te/ byang chub kyi sems sum cu rtsa gnyis 'bab pa bde ba chen po'i gnas su 'dzag pa'o// de rnams kyi nang nas rtsa rnam pa gsum ni gtso ma
108a5 ste/ brkyang ma dang / ro ma dang / kun 'dar ma'o// brkyang ma shes rab rang bzhin gyis// thabs kyis ro ma yang dag gnas// kun 'dar ma ni dbus gnas su// gzung dang 'dzin pa rnam par
108a6 spangs/ / brkyang ma mi bskyod 'bab pa ste// ro ma de bzhin khrag 'bab cing // shes rab zla ba 'bab bshad pa// de ni kun 'dar mar rab grags// mi phyed ma dang / 'phra gzugs ma dang / rtse ba
108a7 ma dang / g.yon pa ma dang / zung ngu ma dang / rus sbal skyes ma dang / sgom pa ma dang / dbang ma dang / skyon ma dang / 'jug ma dang / ma mo dang / mtshan mo dang / bsil sbyin ma dang
iiif viewer powered by OpenSeadragon
Texts on this page
S379 - kye'i rdo rje zhes bya ba rgyud kyi rgyal po