| e-texts navigator |
| བོད་ཡིག |
446a1 zhing dag pa'ang ma yin no// de ltar stong pa nyid kyi rab tu dbye ba gsungs so// de la spong ba nyid kyi mdor bsdus pa'i don bsgrub pa yin no// yang gsungs pa/ 'dod chags kyi gnyen
446a2 por mi sdug pa la sogs pa dang / zhe sdang gi gnyen por byams pa dang / gti mug gi gnyen por rten cing 'brel par 'byung ba'o// de la ji ltar 'dod chags rnam par ldog ce na/ gal te de dang 'gal ba'i phyir
446a3 ro zhe na/ yin mod kyi gang zhig de skad du 'dod chags kyi bdag nyid du byed pa na 'dod chags dang bral ba yin no// de bzhin du gsungs pa/ bcom ldan 'das kyis rigs kyi bu e ma'o sangs rgyas thams cad
446a4 kyi 'dod chags kyi ye shes ni rnyog pa med pa ste/ 'dod chags 'dod chags dang bral ba bcom nas bde ba thams cad sbyin par byed do// 'dod chags la sogs pa ni rang bzhin gyis kha na ma tho ba med pa dang
446a5 bcas pa ste/ gzhan du rgyun du zhugs pa'i 'dod chags rnyed pa yin na de'i 'dod chags la sogs pa yongs su mi spong bar spyod na/ 'on te rim pa'i khyad par las yon tan gyi khyad par 'byung bar 'gyur
446a6 ro/ dper na ke ta ka'i me tog dri'i glang po ches zos na gla rtsi la sogs pa'i dngos por 'gyur ro// glang po che phal pas zos na lci ba'i dngos por 'gyur ro// de bas na de la ka ha ka'i me tog gi skyon ma
446a7 yin te/ de bzhin du 'dod chags la sogs pa'ang rnam par dag pa'i rim pa la gnas pas bsam pa'i khyad par gyi sbyor ba la khyad par du 'phags pa nyid kyi 'bras bu smin par 'gyur ro// dper na 'o ma sprul la sogs pas
iiif viewer powered by OpenSeadragon
Texts on this page
S344 - yang dag par sbyor ba zhes bya ba'i rgyud chen po