| e-texts navigator |
| བོད་ཡིག |
274a1 gnas sogs sa ni bcu po rnams// tshe mchog lha yi bdag nyid can// dngos po gang dang gang gis ni// mi rnams yid ni yang dag sbyor// de yis de yi dngos 'gyur te//
274a2 sna tshogs gzugs can nor bu 'dra// de bzhin 'jigs dang bcas pa 'am// 'jigs med ji lta ji ltar gnas// bsam gtan dag gam sems tsam gyis// las rnams thams cad rab sgrub byed//
274a3 spyod dang grol ba'i 'bras rab stsol// tshe 'di nyid la thob 'gyur ba// sgom pa bdag gis bshad par bgyi// snying po kun las btus pa yin// log pa'i shes pa shes pa can// gang yang
274a4 khyod kyis bshad mi bya/ / bla ma'i rim las ji ltar bstan// gang gis myur du shes 'gyur ba// skye ba bye ba stong phrag tu// sgyu 'phrul ye shes kyis bskul ba// dad pa yang dag bskyed pa dang //
274a5 rnal 'byor spyod tshul gnas pa yin// lkug cing glen la thabs ngan ldan// byis pa'i shes pa'i shes pa can// sems can yongs su ma smin dang // phyi rol bstan bcos kyis 'chal pa//
274a6 de dag kun gyis ma shes te// mi shes mun pas khebs pa dang // khengs pa la ni brten par dga'// nga rgyal la sogs bdun sems ldan// de kun gyis kyang sangs rgyas kyi// spyod yul
274a7 gsang ba mi shes so/ / he ru ka dpal yang dag 'jug/ slob dpon bdag nyid chen po yis// myur du dngos grub skyed byed do// 'phral du yid ches byed pa yin// kun spyod cho ga'i rnal 'byor/
iiif viewer powered by OpenSeadragon
Texts on this page
S340 - rnal 'byor ma'i kun tu spyod pa