rKTs

e-texts navigator

Volume

Page

292b₁ lta bus lus zhig nas shi ba'i 'og tu ngan song ngan 'gro log par ltung ba sems can dmyal ba rnams su skye bar 'gyur la/ de dag sems can dmyal ba rnams nas shi 'phos nas kyang / las kyi lhag ma des/
292b₂ rgya mtsho chen po'i nang du dud 'gro rnams su skye bar 'gyur te/ de dag der lus che ba dang / mang du za bar 'gyur ro// de dag srog chags stong phrag mang po dag gis bza' bar 'gyur la/ de dag kyang mang po rnams
292b₃ la za bar 'gyur te/ gleng gang dag tu gnas nas sdig pa mi dge ba'i las kyi rnam par smin pa nyams su myong bar 'gyur ba'i go skabs kyang med de/ rgyu des na rgya mtsho chen po'i nang na sems can chen po rnams gan
292b₄ so/ / rgya mtsho chen po ni shi ba'i ro dang lhan cig mi gnas so zhes gsungs pa de/ ci'i phyir rgya mtsho chen po shi ba'i ro dang lhan cig mi gnas she na/ smras pa/ rgya mtsho chen po'i nang na klu gtsang sbra spyod pa
292b₅ rnams kyi gnas dag yod de/ klu'i gnas gang gi steng du shi ba'i ro gnas par gyur pa des de'i mtshan mo nyid du klu'i gnas gnyis par phul lo// gnas gnyis pa nas gsum par bul lo// gsum pa nas/
292b₆ bzhi par phul te/ de lta bu'i rim pas 'gram du bskyal nas thang la 'dor te/ rgyu des na rgya mtsho chen po shi ba'i ro dang lhan cig mi gnas so// rgya mtsho chen por ni 'dzam bu'i tshal gyi chu klung 'bab pa gang yin pa
292b₇ rnams dang / bar snang las char gyi rgyun shing rta'i srog shing tsam 'bab kyang / des rgya mtsho chen po de 'grib par 'gyur ba'ang med/ gang bar 'gyur ba'ang med do zhes gsungs pa de/ ci'i phyir 'dzam bu'i

_{iiif viewer powered by OpenSeadragon}

292a - 293a

Texts on this page